दकलय् ताःहाकःगु लोडशेडिङ, आः १० घण्टा, माघं १६ घण्टा
देशया तःधंगु विद्युत परियोजना मध्यय् छगू मध्यमर्स्याङ्दीया उद्घाटन नापनापं देशय् आः तक गबलें मजूनि कथंया ताःहाकःगु लोडशेडिङ नं शुरु जूगु दु । नेपाल विद्युत प्रँधिकरणं थनिंनिसें वालय् ७० घण्टा मत सीगु कथं लोडशेडिङ शुरु याःगु खः । थ्व ल्याखं आः न्हिं १० घण्टा मत सी । नेपालय् आः तक थुलि ताःहाकःगु लोडशेडिङ गबलें मजूनि । थ्व स्वयां न्ह्यः वालय् ४२ घण्टा जक लोडशेडिङ जुया वयाच्वंगु खः । प्राधिकरण सूत्रं धाः कथं लोड-शेडिङया थ्वर् इ अझ ताःहाकः जुइगु सम्भावना दु । सम्भवतः पुसया अन्तिम तकया दुने न्हिं १६ घण्टा लोडशेडिङ जुइफु ।
प्रधानमन्त्री प्रचण्डं वंगु वालय् उलेज्या यानादीगु मध्यमर्स्याङदीपाखें नं आः तक नियमित उत्पादन मजूनिगु खँ धाःगु दु । सरकार हथाय् चाःगुलिं जक हतरपतर उकिया उलेज्या याःगु जानकारी बिसें सूत्रं मध्यमर्स्याङदीं आः बी धाःगु ३७ मेगावाट मत नं गबलय्निसें वइगु खः निश्चित मदुनि धाःगु दु ।
देशय् तसकं अप्वया वनाच्वंगु विद्युत अभावयात ध्यानय् तयाः म्हिगः च्वंगु मन्त्रिपरिषद्या 'उर्जा बैठकं' देशय् 'विद्युत संकट' घोषणा याःगु दु । थ्व इलय् थीथी थासय् न्हूगु थर्मल प्लान्ट सञ्चालन यायेगु, पुलांगुयात हानं न्ह्याकेगु व पिनें नं विद्युत न्याना कायेगु निर्ण्र्ााबैठकं याःगु दु । थर्मल प्लान्टं पिहां वइगु विद्युत प्रति युनिट २६ तका स्वयां अप्वः तू वइ जब जलश्रोतया विद्युत प्रति युनित ७ तकां लाः । अथे खःसां मन्त्रिपरिषदं आः गनं छुं टेन्डर कल तकं मयासे थर्मल प्लान्ट निर्माण यायेगु लागिं जलश्रोत मन्त्री विष्णु पौडेलयात निर्देशन बिउगु दु ।
थ्वहे झवलय् जलश्रोत मन्त्री पौडेलयागु हे पार्टर्ीी भातृ संगठन युथ फोर्सं स्वन्हुया दुने लोड शेडिङ हटे यायेमाः धइगु अल्टिमेटम बिसें नुवाकोटया विद्यतु प्राधिकरणयात ज्ञापनपत्र बिउगु दु । युथ फोर्सं बिउगु थ्व अल्टिमेटम बारे येँय् खबर नं छ्वया हयेधुंकूगु दु । उखे हालया लोडशेडिङं यानाः देय्या औद्योगिक उत्पादनय् ८० प्रतिशत कमी वयाच्वंगु खँ नेउवा महासंघं धाःगु दु ।
