शंखधरया झ्वातालय् स्वांमाः देछात
प्रधानमनन्त्री माधवकुमार नेपालं न्हूदँया लसताय् सोमवाः सुथय् नेपाल संवत्या प्रवर्तक राष्ट्रिय विभूति शंखधर साख्वाःया झ्वातालय् स्वांमाः क्वख्येकादीगु दु । उगु ज्याझ्वलय् न्ववानादिसें प्रधानमन्त्री नेपालं नेपाल संवत्यात व्यवहारिक रुपं लागु यायेगु निंतिं याकनं हे छगू कार्यदल गठन यायेगु प्रतिबद्धता प्वंकादिल ।
राष्ट्रिय विभूति शंखधर साख्वाः प्रतिष्ठानं ग्वसाःग्वःगु ज्यझ्वलय् नेपाली कांग्रेस संसदीय दलया नेत रामचन्द्र पौडेल, नेता प्रकाशशरण महत, राप्रपा अध्यक्ष पशुपति शम्शेर जबरा, नेवाः देय् दबूया संरक्षक मल्ल के. सुन्दर, जनजाति महासंघया नायः पासाङ शेर्पां थःथःगु नुगः खँ प्वंकादीगु खः ।
प्रतिष्ठानया नायः मदनकृष्ण श्रेष्ठया सभापतित्वय् जूगु उगु ज्याझ्वलय् प्रतिष्ठानया संरक्षक ज्ञानराम श्रेष्ठ, उपाध्यक्ष राजेन्द्र मानन्धर व सचिव श्यामकृष्ण मानन्धरं नं न्ववानादीगु खः ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
