न्हूदँया लसताय् यलय् क्याण्डल वाक

न्हूदँ ने.सं. ११३० क्यनीगु लसताय् थीथी ज्याझ्वः यायेगु झ्वलय् आइतवाः सनिलय् नेपालभाषा मंकाः खलः यलया इनापय् लियो क्लब अफ मनिगल, यलं सीइताः मतयाः (क्याण्डल वाक) यात । उगु ज्याझ्वःया उलेज्या नेपालभाषा मंकाः खलः यलया पुलांम्ह नायः नापं साहित्यकार डा. पुष्पराज राजकर्णिकारं यानादीगु खः ।

मतयाः यलया सापारु चाहिलीगु लँपु अर्थात मंगः बजारं न्ह्यानाः लुँहिति, उकुबहाः, तिछुँगल्ली, पुल्चोकय् च्वंगु नेपाल सम्वतया प्रणेता शंखधर साख्वाःया झ्वाता चाहिलाः बालिफः, क्वन्ति जुयाः लाय्कुलिइ थ्यंकाः क्वचाःगु खः । मतया शुरु याये न्ह्यः ग्वसाः खलःपाखें थीथी साँस्कृतिक ज्याझ्वः नं याःगु खः । उगु ज्याझ्वलय् परम्परागत ख्याः कवं प्याखं, बज्रयोगिनी चर्या प्याखं नापं नेपालभाषाया हुलाप्याखँ व म्ये नं न्ह्यब्वःगु खः ।

More Stories Like this