प्रचण्डया प्रस्तावयात बहुमत

ख्वपया खरिपाटीइ न्ह्यानाच्वंगु नेकपा माओवादी० या राष्ट्रिय कार्यकर्ता भेलाय् प्रधानमन्त्री एवं नेकपा -माओवादी० अध्यक्ष पुष्पकमल दाहाल प्रचण्डं न्ह्यब्वःगु राजनीतिक प्रतिवेदनयात बहुमत कार्यकर्तातय्सं र्समर्थन याःगु खँ सीदुगु दु ।
म्हिगः क्वचाःगु समुहगत सहलहय् नीछगू पुचः मध्यय् झिंन्हय्गू पुचलं अध्यक्ष प्रचण्डया प्रतिवेदनयात पारित यायेगु निर्ण्र्ाायाःगु खः । थौंया भेलाय् म्हिगः समुहगत सहलह याःगु पुचःया नेतातय्सं सहलहं पिहां वःगु लिच्वः न्ह्यब्वइगु ज्याझवः दु ।
न्हापा न्हापा जूसां छम्हेस्यां जक पुचःया निर्ण्र्ाान्यंकेगु याना वयाच्वंगु खःसा थुगुसी निम्हेस्यां निर्ण्र्ाान्यंकेगु व्यवस्था याःगु दु । बहुमत प्रतिनिधितय्सं अध्यक्ष प्रचण्डया प्रतिवेदनय् थःपिनि र्समर्थन जाहेर याःगु खःसां अल्पमतय् लाःगु वैद्य पुचलं थःपिनि खँ नं तये दयेमाः धकाः माग याःगुलिं छगू हे पुचः दुने नं निगू गुटया निम्हेस्यां हे समुहगत निर्ण्र्ाान्यंकेगु ज्याझवः दयेकूगु खः । हरेक पुचलय् निगुलिं गुटया मनूत दुगुलिं म्हिगः समुहया नेता ल्ययेगु खँय् समेत विवाद जूगु खः । लिपा मतदान यानाः नेता ल्ययेमाःगु खःसा वयां लिपा तिनि सहलह न्ह्याकूगु खः । थौं समुहगत नेतातय् निष्कर्षन्यंकेगु ज्या क्वचाल धाःसा उगु निष्कर्ष् ब्वलंगु न्ह्यसःयात कयाः अध्यक्ष प्रचण्ड व वरिष्ठ नेता मोहन बैद्य -किरणं० लिसः बीगु ज्या जुइ । तःम्हमछिसिनं निर्ण्र्ाान्यंकेमाःगु जुयाः थौं थ्व निष्कर्षन्यंकेगु ज्या हे क्वमचायेफुगु खँ धाःगु दु । बहुमत कार्यकर्तातय्सं अध्यक्ष प्रचण्डं न्ह्यब्वःगु प्रतिवेदनयात पारित यायेमाःगु प्रस्ताव याःसां निगुलिं प्रतिवेदनयात समायोजन यानाः छगू हे दयेकेमाःगु सुझाव नं छुं कार्यकर्तातय्सं अझं बियाच्वंगु दनि । बैद्यं न्ह्यब्वःगु प्रतिवेदनय् नं छुं छुं सकारात्मक खँत दुगुलिं उकियात नं पार्टर्ीी अध्यक्षं नाला कायेमाःगु सुझाव कार्यकर्तातय्सं बियाच्वंगु दु । निगुलिं प्रतिवेदनयात छगू हे दयेके मफइगु अवस्था जुल धाःसा निगुलिं प्रतिवेदनयात महाधिवेशनय् यंके फुगु खँ धाःगु दु । मोहन वैद्य पुचलं थःपिनि प्रतिवेदन थ्व कार्यकर्ता भेलाय् अल्पमतय् लाःसां उकियात महाधिवेशनय् यंकेमाःगु अडान कयाच्वंगु खँ सूत्रं धाःगु दु ।