सन्ध्या टाइम्सयात सुभाय्

सम्पादकजु

थौकन्हय् सन्ध्या टाइम्सु ब्वनेगु थुलि आनन्द व की बयान याये थाकु न्हापा न्हापा गंसी जूबलय् स्वयां छपाना थपे जुयाः ल्ह्वना वःलिसे जिमित ला नसाः थें हे जुइ धुंकल हप्ताय् छक शनिवाः स्वये मखनीबलय् साप हे म्हाइपुसे च्वनीगु । थथे आपालं ब्वँमिपिंत नं जू धाःगु जिं न्यनाः । जिउसा शनिवाः नं मेमेगु पत्रिका थें पिकया दीमाल । सन्ध्या टाइम्सय् पिदनीगु च्वसुत अप्वः धइथे बांलाः अले ज्ञानगुणया खँत नं दु । अझ ला थौंकन्हय् च्वमिपिनिगु किपा नं तयाहःगुलिं वय्कःपिंत म्हसीके खनाः साप लय्ताः । थुगु ज्या निरन्तरता यानादीत नं इनाप यानाच्वना । अले न्ह्यागु हे नखःचखः वःसां उगु नखःया बारे मसिउगु खँत नं थुगु ुसन्ध्या टाइम्सु पाखे सीका काये खं । थुगु पत्रिका ला धाथें धायेगु खःसा बुद्ध धर्मया प्रचारप्रसार यायेगु लँपु नं खः । अले थौंकन्हय् बली प्रथाया बारे नं च्वसुत ब्वना । अले जिगु नं धाये धइगु थुगु थासय् नं छगू निगू पौत ब्वने धुन । थुगु बली प्रथाया बारे जितः नं लगे जूगु जिगु मनया खँ थ्व पतिइ प्वंकाच्वना ।

द्यःयात धांधां करिपंत स्यायेगु करिपंत स्यानाः कुल धर्म धाइगु करिपंत स्यानाः धर्म जुइगु जूसा मेगु धर्म छु यायेमाःगु थ्व खँग्वःत ज्ञानमाला भजन सफुया खः अले जिगु बिचाः नं थथे हे खः ।

कृष्णमान डंगोल
मखं गल्ली तुन्छेबहाः

More Stories Like this