क्वचाल - गनं मदुगु जात्रा

गनं मदुगु जात्रा नरलय् धाइगु खँ सकस्यां स्यूगु हे खः । कति पुन्हिया कन्हय् खुनु जुइगु नरःया नारायण द्यःया जात्रा थौं क्वचाल ।

थथु त्वालं नारायण द्यःया द्यःखः दथुत्वाः जुयाः क्वत्वाः कोटाल व न्यलिमय् यंकीगु खःसा अनं च्वंगु द्यःखः नापं थथु त्वालय् हइगु खः । थुगु इलय् थाय् थासय् पूजा काइगु खः । लिपा थथु त्वालय् थ्यंकाः उगु जात्रा क्वचाइगु खः ।

व लिपा हाकनं थःथःगु थासय् द्यःखः यंकी । द्यःया छत्र क्वय् व द्यः खःया च्वय् तयाः जात्रा याइगु जुगुलि हे थुकियात गनं मदुगु जात्रा धकाः धयातःगु जुइमाः । उगु जात्राय् परम्परागत बाजागाजा सहित स्थानिय बासीतय्गु आपालं ब्वति दुगु खः ।

More Stories Like this