स्वनिगःया स्थानीयबासी सुम्क च्वनी मखु

महानगरपालिका जनपथ प्रहरी ट्राफिक प्रहरीं स्वनिगःया थीथी थासय् अस्तव्यस्त कथं तयातःगु फुटपाथ पसः चीकेगु शुरु यागुलिं महानगरपालिका जनपथ प्रहरी ट्राफिक प्रहरीया नापनापं गृहमन्त्री वामदेव गौतमयात सुभाय् मबिसंे मगाः । थ्व अभियानयात सकसिनं बांलाः धकाः लसकुस यानाच्वंगु दुसा मेखे फुटपाथ पसल्याःतय्त छुं छुं पार्टीया लिसें सत्ताधारी पार्टी माओवादीं हे समर्थन व ग्वाहालि यानाच्वंगु दु । फुटपाथ पसःयात हाकनं साचालन याकेत राजनैतिक दवाव बीगु व विरोधया गतिविधि न्ह्याकेगु यानाच्वंगु खनेदु । यदि फुटपाथ पसः चीकेगु अभियानयात दिकेत दबाव बियाः थुकियात पंगः थनेगु ज्या सुनां नं यात धाःसा स्वनिगःया स्थानीय जनता सुम्क च्वनी मखु । थुकियात स्थानीय-बासीतय्सं प्रतिकार यायेगु ला द हे दु नापं गृहमन्त्री वामदेव गौतमया न्हाय् नं वनी । यदि स्वनिगःया फुटपाथ पसःत सदांया निंतिं न्हंका छ्वयेगु खःसा स्वनिगःया स्थानीय जनाता सकि्रय रुपं न्ह्यायेमाः । थुकिया निंतिं स्थानीय जनता छप्पँ जुयाः सम्बन्धित निकाययात ग्वाहालि यायेमाः ।

- अमिर घरज्वाँई
न्यतपाःच्व प्रधानचोक यॆँ

More Stories Like this