नेपाः पार्टीया नायःयात न्ह्यसः
ने सं ११२८ कौलाथ्वः १३ स पिदंगु थुगुसीया कुमारी जात्रा सांस्कृतिक आन्दोलन व नेपाः राष्ट्रिय पार्टी च्वसु ब्वने दयाः लय्ता नापं नेपाः राष्ट्रिय पार्टीपाखें याःगु कुमारी जात्रा आन्दोलन दुनेया भूमिका बारे थीथी खँ सीकेदत । पार्टीया नायः डा। केशवमान शाक्यया उगु च्वसुइ नेपाः सरकार नापं सांस्कृतिक आन्दोलनं माग याःकथं फुक्क मागत पूवंकेया निंतिं सरकारनाप वार्ता जुइधुंकाः कन्हय् कुन्हु हानं अराजक स्थिति ब्वलंकेत अनावश्यक आन्दोलन न्ह्याकेत स्वःपिं जुजुवादीत खः धयादिल । अथे हे थ्व वार्ता धुंकाःया आन्दोलन तच्वयेकेत नेपाः राष्ट्रिय पार्टीया छम्ह निम्ह पासापिं लगे जुल धयादिल । अथें तुं सरकारलिसेया वार्ताय् जुजुवादीत दुमथ्याःगुलिं उगु वार्तायात मान्यता बी फइ मखु आन्दोलन जारी दु धकाः मासय् न्ववाःगु खँ धाःसा पाय्छिगु मखु धयादिल । तर डा साबं व मनूत सु सु खः धकाः न्ह्यथनामदी उिकं व जुजुवादीत सु सु खः थें सीके फइला सुभाय् ।
- राजन श्रेष्ठ थँबही येँ
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
