उदाय् प्रतिनिधिमूलक सहलह ज्याझ्वः

आपालं कुतः व तयारी लिपा 'उदाय् प्रतिनिधिमूलक सहलह' ज्याझ्वः साकार जुल। देशय् न्हिथं हिलावनाच्वंगु परिस्थितिइ उदाय् समुदायया हाथ्या व सम्भावना दुवाला सकलें छप्पँछधि जुयाः थःपिनि अस्तित्व क्वातुकेगु आज्जु तयाः श्री दिगुख्य गुथि, पकनाय्ज्वःया ग्वसालय् थःगु हे हलय् न्यायेकूगु ज्याझ्वलय् थीथी गुंगू थरया १५० म्हं मल्याक प्रतिनिधि व विशिष्ट व्यक्तित्वपिनि उपस्थिति दुगु खः ।

ने.सं. ११२९ ञँलाथ्व नवमी शनिवाः, न्हिनसिया १ ताःइलय् ब्वतिकाः झाःपिं सकसिनं नां दुतिना तुच्चा नापं थःथवय् भिंतुना कालबिल जुल। ज्याझ्वः कथं लसकुस, सहलहया एजेन्डा न्ह्यब्वयेगु, उद्देश्य न्ह्यब्वयेगु, थीथी समाज, समिति व खलःया नायःतय् नुगः खँ तयेगु न्हापांगु ब्व धुंकाः तुच्चा ज्याझ्वः। निगूगु ब्वय् गुंगू थरया कवः प्रतिनिधि, सहभागी व प्रतिस्थित उदाय् बुद्धिजीवीपिनि नुगः खँ तयेगु, मू पाहाँया न्वचू, उपाध्यक्षया सुभाय् नापं सभानायःपाखेँ सभा विसर्जन धुंकाः लसता भ्वय्या ज्याझ्वः जूगु खः ।

ज्याझ्वलय् क्वःछिनातःथें पाय्छि २ ताःइलय् गुथिया लिउ छ्याञ्जे मय्जु प्रेमहीरा तुलाधरं ज्याझ्वः न्ह्याकादिल। उदाय् समाजया गुंगूलिं थरया गुथि, समाज, समिति, खलःया नायःपिं लिसें दिगुख्यः गुथिया संरक्षकपिं द्रब्यमानसिं तुलाधर, कुलविरसिं तुलाधर, उदाय् समाजया संस्थापक नायः भाजु नानीभाई स्थापित, नापं मू पाहाँ उदाय् समाजया नायः पञ्चविरसिं तुलाधरजुपिंत मञ्चय् आसन याकुसें गुथिया उपाध्यक्षजुं खादागा क्वखायेका लसकुस यानादीगु खः ।

उगु तःजिगु ज्याझ्वलय् लसकुस यानादिसें दिगुख्यः गुथिया संरक्षक पुचःया छ्याञ्जे मोतीकाजी तुलाधरजुं संरक्षकपिं कुलविरसिं तुलाधर व द्रव्यमानसिं तुलाधरया सत्प्रयासं ग्वसाः ताःलाःगु ज्याझ्वःया निष्कर्षं समाजयात न्ह्यज्याकेत तःधंगु ग्वाहालि जुइगु विश्वास प्वंकादिल ।

छ्याञ्जे रत्नकाजी तुलाधरं ज्याझ्वःया विस्तृत एजेन्डा न्ह्यब्वयादिलसा संरक्षक कुलविरसिं तुलाधरं सहलह ज्याझ्वःया उद्देश्य कुलादिल ।

थ्वयां लिपा न्ह्यथनापिं व्यक्तित्वपिसं थःपिनि सुझाव बियादिल। सुझाव बियादीपिं शरद कसाः (नायः कसाः तःधं गुथि), सागरमान तुलाधर (न्यतँ तुलाधर), अमीररत्न ताम्राकार (तवः समाज), दीर्घमान बनिया (बन्या खलः), चैत्यरत्न स्थापित (स्थापित समाजया नायः), अमृतमान ताम्राकार (भोताहिति), पद्मज्योति कसाः, सर्वज्ञरत्न तुलाधर (न्यतं), प्रेमरत्न स्थापित (मखंकवः), योगेन्द्रमान ताम्राकार, लक्ष्मी स्थापित (भिंद्यःत्वाः), डा. रुपज्योति कसाः, कृष्णहरि स्थापित (भिंद्यःत्वा), सर्वज्ञरत्न तुलाधर (पूर्व महान्यायाधिवक्ता), अनिल स्थापित (मखंत्वा), सुवर्णमान तुलाधर (न्यतं), मध्यान्नरत्न कसाः, हेराभाई तुलाधर (संरक्षकः दिगुख्य गुथि), लाभरत्न तुलाधर (सल्लाहकार), ज्वालासुन्दर तुलाधर (हितिमंगः), सुगतरत्न कसाः, भाइकाजी तुलाधर (असं भलुलिप), डा. सुमन कमल तुलाधर, नानीभाइ स्थापित (संस्थापक नायः) केशव स्थापित (पुलांम्ह मेयर) पिंसं न्ह्यब्वयादीगु सुझावत थुकथं दु ।

- उदाय् समाज स्थापना जुयाः विधान व विधिव्यवहारया नियमावली निर्माण जूगु उपलब्धि खः।
- अनुगमन बांलाक जुइ मफुत।
- थीथी थरया दथुइ थवंथवय् सम्मान व सदभावना अभिवृद्धि यायेगु ज्या जुइमाः।
- समाजया कोष बल्लाकेगु ज्या जुइमाः।
- म्वाय्कं भ्वासिपहः क्यनेगु धइगु थःगु वनेज्या व उन्नति क्वपालेथें जुइ धइगु चेतना बीमाः।
- विधि व्यवहारया नियम कार्यान्वयन यायेत व्यापक प्रतिनिधिपिनि सहभागिता अभिवृद्धि यायेमा।
- तःमुँज्या नापं मेमेगु ज्यासना पुचःया मुँज्या नियमित मजू।
- दछिया छक्वः वृहत उदाय् मुना ज्याझ्वः आवश्यक जू।
- अनुगमन कमजोर। कार्यनीति स्पष्ट मजू।
- थःगु आदर्शय् च्वना बिना हस्तक्षेप संगठन मदुपिंत ग्वाहालि व तिबः बिया न्ह्यज्याकेमाः।
- दक्वं थरया सहलहय् न्हूगु नियम हयेमाः।
- संकुचित मजुसे गैरबौद्धपिंत नं समायोजन यायेमाः।
- पिनंवःपिं जनजातिपिनि सफलतां झीसं सयेका कायेमाः।
- फुकं सदस्यपिंत मताधिकार बीमाः।
थुलि धुनेवं ज्याझ्वःया न्हापांगु ब्व क्वचाःगु जुल। वयां लिपा न्ह्याःगु निगूगु ब्वय् हाकनं सुझाव न्ह्यब्वयेगु ज्या जुल।
- न्ह्याग्गु परिवेशय् नं उदाय् (नेवाः) तसें थःगु अस्तित्वया पहिचान बियाच्वने फयेमाः। झीगु सभ्यता, संस्कृति व पौरखया कारण झीगु सामाजिक महत्व कायम यायेमाः।
- व्यापक दृष्टिकोण तयाः उदार नीति कासें उदाय् समाजया न्हूधा जुइमाः।
- विस्थापित जूपिंत दुथ्याकाः साँस्कृतिक, सामाजिक प्रशिक्षण बीमाः।
- उदाय्त अल्पसंख्यक जूगुलिं मंकाः ज्याझ्वः यायेमाः।
- सांस्कृतिक विचलन पनेमाः।
- राज्य संयन्त्रय् व जनसमुदाय थःपिनि सहभागिता अप्वयेकेमाः।
- सामाजिक, सांस्कृतिक सुधार नापं आर्थिक व राजनीतिक सक्रियता आवश्यक जू।
- न्हूगु पुस्ता व मिसापिंत ध्यानय् तया ज्याझ्वः पित बीमाः।
- अन्तर्क्रिया व मेगु ज्याझ्वः पित बीमाः।
- सकसिगु तथ्यांक तयेमाल।
- दुगु श्रोत परिचालन यायेमाः।
- कमजोर वर्गयात थकायेत जनशक्ति परिचालया योजना दयेकेमाः।
- सामाजिक आचार संहिता कथं विधि व्यवहार वःगु खःसां थुकिया आधार धार्मिक आस्था जुइमाः। झीपिं न्हापां बौद्ध खः धइगु स्पष्ट जुइमाः। चतुआर्य सत्य व अष्टागिंक मार्ग झीगु जीवन पद्धति जुइमाः।
- अनुगमन व दण्ड सिबें सुसंस्कारित जुइगु स्वयेमाः।
- विधान परिमार्जन याना समानुपातिक व सहभागिता मूलक कार्यनीति दयेमाः।
- शीप प्रदान यायेगु नापं दुजःपिनि दैनिक जीवनय् स्वापू दुगु ज्याझ्वः हयेमाः।
- वित्तीय संस्था धस्वाकाः स्वास्थ व शिक्षा क्षेत्रय् लगानी यायेमाः।
- मिसा पुचःयात नं सक्रिय यायेफुसा विधि व्यवहारय् सुधार याये अःपुइ।
- कवः थाकुलिपिं सक्रिय जुइमाः।
- झीगु मंकाः स्वास्थ क्लिनिक दयेमाः।

मू पाहाँ उदाय् समाजया नायः पञ्चवीरसिंहं तुलाधरं ज्याझ्वलं थः उत्साहित जूगु खँ कनादिल। वय्कलं थःभाषा, धर्म व समाजया ज्याय् समर्पित जुयाच्वनागु व थुकिइ सकसिंगु तिबः ग्वाहाली दइ धयादिल ।

गुथिया न्वकु लक्ष्मीरत्न तुलाधरं सुभाय् बियादिसे ज्याझ्वः तःजिक क्वचायेकेत ग्वाहालि यानादीपिंत देछाना दिल। संरक्षक द्रव्यमानसिं तुलाधरं सकल उदाय् समाजया प्रतिनिधिपिनि दथुइ जूगु सहलह ज्याझ्वलं थवंथवय् समझदारी ब्वलंकाः समाज न्ह्याकेत मुल्यवान मार्ग निर्देशिका जुइगु बिचाः प्वंकादिल ।

बहनीसिया ८ ताः इलय् सकसिनं लसता भ्वजय् ब्वति कयादिल ।

सहभागिपिसं बिउगु सुझावया भावमुना

१. विधान संसोधन जुइमाः।
२. कवः प्रतिनिधि खुलाय् छक्व मुनेमाः।
३. समितिया नायःनाप दछिइ छक्वः मुनेमाः।
४. समानुपातिक सहभागिता व समावेशी सहितया विधान जुइमाः।
५. समाजया उद्देश्यकथं न्ह्यायेतStrength, Weakness, Opportunities स्वया अल्पकालिन व दीर्घकालिन कार्ययोजना दयेकेमाः।
६. विधिव्यवहारया नियम पालना याकेत क्वात्तुगु पलाः न्ह्याकेगु, दण्ड व पुरस्कारया व्यवस्था जुइमाः।
७. समाजया थःगु हे ज्याकू दयेमाः।
८. न्हापांनिसें न्ह्याना वयाच्वंगु गुथि व सामाजिक संस्कारया सम्मान यासें सहअस्तित्वया आधारय् सुधार ज्या यायेमाः।
९. गैर बौद्ध धर्मावलम्बि उदाय्तय्त नं दुथ्याकेगु स्वयेमाः।
१०. छेँखां छम्ह मताधिकार सहितया सदस्य जुइमाः।
११. उदाय् जुयागुया गौरव तायेमाल।
१२. प्रतिस्पर्धी जुइत तालिम संचालन यायेमाल।
१३. न्हू पुस्ताया सहभागिता अप्वयेका यंकेमाल। प्रतिभाया सम्मान जुइमाः।
१४. थःगु भाय्या छ्यलाबुला न्ह्याके माल।
१५. समाजया गतिविधिया प्रभावकारी प्रचार प्रसार जुइमाल।
१६. राज्य संयन्त्रय् दुथ्याकेगु कुतः जुइमाल। राजनीतिइ सहभागि जुइमाः ।

ने.सं.११२९ ञँलाथ्व ९ शनिवाः (भाद्र १३)
उदाय् प्रतिनिधिमूलक सहलह ज्याझ्वः

-

आपालं कुतः व तयारी लिपा 'उदाय् प्रतिनिधिमूलक सहलह' ज्याझ्वः साकार जुल। देशय् न्हिथं हिलावनाच्वंगु परिस्थितिइ उदाय् समुदायया हाथ्या व सम्भावना दुवाला सकलें छप्पँछधि जुयाः थःपिनि अस्तित्व क्वातुकेगु आज्जु तयाः श्री दिगुख्य गुथि, पकनाय्ज्वःया ग्वसालय् थःगु हे हलय् न्यायेकूगु ज्याझ्वलय् थीथी गुंगू थरया १५० म्हं मल्याक प्रतिनिधि व विशिष्ट व्यक्तित्वपिनि उपस्थिति दुगु खः।
ने.सं. ११२९ ञँलाथ्व नवमी शनिवाः, न्हिनसिया १ ताःइलय् ब्वतिकाः झाःपिं सकसिनं नां दुतिना तुच्चा नापं थःथवय् भिंतुना कालबिल जुल। ज्याझ्वः कथं लसकुस, सहलहया एजेन्डा न्ह्यब्वयेगु, उद्देश्य न्ह्यब्वयेगु, थीथी समाज, समिति व खलःया नायःतय् नुगः खँ तयेगु न्हापांगु ब्व धुंकाः तुच्चा ज्याझ्वः। निगूगु ब्वय् गुंगू थरया कवः प्रतिनिधि, सहभागी व प्रतिस्थित उदाय् बुद्धिजीवीपिनि नुगः खँ तयेगु, मू पाहाँया न्वचू, उपाध्यक्षया सुभाय् नापं सभानायःपाखेँ सभा विसर्जन धुंकाः लसता भ्वय्या ज्याझ्वः जूगु खः।
ज्याझ्वलय् क्वःछिनातःथें पाय्छि २ ताःइलय् गुथिया लिउ छ्याञ्जे मय्जु प्रेमहीरा तुलाधरं ज्याझ्वः न्ह्याकादिल। उदाय् समाजया गुंगूलिं थरया गुथि, समाज, समिति, खलःया नायःपिं लिसें दिगुख्यः गुथिया संरक्षकपिं द्रब्यमानसिं तुलाधर, कुलविरसिं तुलाधर, उदाय् समाजया संस्थापक नायः भाजु नानीभाई स्थापित, नापं मू पाहाँ उदाय् समाजया नायः पञ्चविरसिं तुलाधरजुपिंत मञ्चय् आसन याकुसें गुथिया उपाध्यक्षजुं खादागा क्वखायेका लसकुस यानादीगु खः।
उगु तःजिगु ज्याझ्वलय् लसकुस यानादिसें दिगुख्यः गुथिया संरक्षक पुचःया छ्याञ्जे मोतीकाजी तुलाधरजुं संरक्षकपिं कुलविरसिं तुलाधर व द्रव्यमानसिं तुलाधरया सत्प्रयासं ग्वसाः ताःलाःगु ज्याझ्वःया निष्कर्षं समाजयात न्ह्यज्याकेत तःधंगु ग्वाहालि जुइगु विश्वास प्वंकादिल।
छ्याञ्जे रत्नकाजी तुलाधरं ज्याझ्वःया विस्तृत एजेन्डा न्ह्यब्वयादिलसा संरक्षक कुलविरसिं तुलाधरं सहलह ज्याझ्वःया उद्देश्य कुलादिल।
थ्वयां लिपा न्ह्यथनापिं व्यक्तित्वपिसं थःपिनि सुझाव बियादिल। सुझाव बियादीपिं शरद कसाः (नायः कसाः तःधं गुथि), सागरमान तुलाधर (न्यतँ तुलाधर), अमीररत्न ताम्राकार (तवः समाज), दीर्घमान बनिया (बन्या खलः), चैत्यरत्न स्थापित (स्थापित समाजया नायः), अमृतमान ताम्राकार (भोताहिति), पद्मज्योति कसाः, सर्वज्ञरत्न तुलाधर (न्यतं), प्रेमरत्न स्थापित (मखंकवः), योगेन्द्रमान ताम्राकार, लक्ष्मी स्थापित (भिंद्यःत्वाः), डा. रुपज्योति कसाः, कृष्णहरि स्थापित (भिंद्यःत्वा), सर्वज्ञरत्न तुलाधर (पूर्व महान्यायाधिवक्ता), अनिल स्थापित (मखंत्वा), सुवर्णमान तुलाधर (न्यतं), मध्यान्नरत्न कसाः, हेराभाई तुलाधर (संरक्षकः दिगुख्य गुथि), लाभरत्न तुलाधर (सल्लाहकार), ज्वालासुन्दर तुलाधर (हितिमंगः), सुगतरत्न कसाः, भाइकाजी तुलाधर (असं भलुलिप), डा. सुमन कमल तुलाधर, नानीभाइ स्थापित (संस्थापक नायः) केशव स्थापित (पुलांम्ह मेयर) पिंसं न्ह्यब्वयादीगु सुझावत थुकथं दु।

n उदाय् समाज स्थापना जुयाः विधान व विधिव्यवहारया नियमावली निर्माण जूगु उपलब्धि खः।
n अनुगमन बांलाक जुइ मफुत।
n थीथी थरया दथुइ थवंथवय् सम्मान व सदभावना अभिवृद्धि यायेगु ज्या जुइमाः।
n समाजया कोष बल्लाकेगु ज्या जुइमाः।
n म्वाय्कं भ्वासिपहः क्यनेगु धइगु थःगु वनेज्या व उन्नति क्वपालेथें जुइ धइगु चेतना बीमाः।
n विधि व्यवहारया नियम कार्यान्वयन यायेत व्यापक प्रतिनिधिपिनि सहभागिता अभिवृद्धि यायेमा।
n तःमुँज्या नापं मेमेगु ज्यासना पुचःया मुँज्या नियमित मजू।
n दछिया छक्वः वृहत उदाय् मुना ज्याझ्वः आवश्यक जू।
n अनुगमन कमजोर। कार्यनीति स्पष्ट मजू।
n थःगु आदर्शय् च्वना बिना हस्तक्षेप संगठन मदुपिंत ग्वाहालि व तिबः बिया न्ह्यज्याकेमाः।
n दक्वं थरया सहलहय् न्हूगु नियम हयेमाः।
n संकुचित मजुसे गैरबौद्धपिंत नं समायोजन यायेमाः।
n पिनंवःपिं जनजातिपिनि सफलतां झीसं सयेका कायेमाः।
n फुकं सदस्यपिंत मताधिकार बीमाः।
थुलि धुनेवं ज्याझ्वःया न्हापांगु ब्व क्वचाःगु जुल। वयां लिपा न्ह्याःगु निगूगु ब्वय् हाकनं सुझाव न्ह्यब्वयेगु ज्या जुल।
n न्ह्याग्गु परिवेशय् नं उदाय् (नेवाः) तसें थःगु अस्तित्वया पहिचान बियाच्वने फयेमाः। झीगु सभ्यता, संस्कृति व पौरखया कारण झीगु सामाजिक मह�व कायम यायेमाः।
n व्यापक दृष्टिकोण तयाः उदार नीति कासें उदाय् समाजया न्हूधा जुइमाः।
n विस्थापित जूपिंत दुथ्याकाः साँस्कृतिक, सामाजिक प्रशिक्षण बीमाः।
n उदाय्त अल्पसंख्यक जूगुलिं मंकाः ज्याझ्वः यायेमाः।
n सांस्कृतिक विचलन पनेमाः।
n राज्य संयन्त्रय् व जनसमुदाय थःपिनि सहभागिता अप्वयेकेमाः।
n सामाजिक, सांस्कृतिक सुधार नापं आर्थिक व राजनीतिक सक्रियता आवश्यक जू।
n न्हूगु पुस्ता व मिसापिंत ध्यानय् तया ज्याझ्वः पित बीमाः।
n अन्तर्क्रिया व मेगु ज्याझ्वः पित बीमाः।
n सकसिगु तथ्यांक तयेमाल।
n दुगु श्रोत परिचालन यायेमाः।
n कमजोर वर्गयात थकायेत जनशक्ति परिचालया योजना दयेकेमाः।
n सामाजिक आचार संहिता कथं विधि व्यवहार वःगु खःसां थुकिया आधार धार्मिक आस्था जुइमाः। झीपिं न्हापां बौद्ध खः धइगु स्पष्ट जुइमाः। चतुआर्य सत्य व अष्टागिंक मार्ग झीगु जीवन पद्धति जुइमाः।
n अनुगमन व दण्ड सिबें सुसंस्कारित जुइगु स्वयेमाः।
n विधान परिमार्जन याना समानुपातिक व सहभागिता मूलक कार्यनीति दयेमाः।
n शीप प्रदान यायेगु नापं दुजःपिनि दैनिक जीवनय् स्वापू दुगु ज्याझ्वः हयेमाः।
n वित्तीय संस्था धस्वाकाः स्वास्थ व शिक्षा क्षेत्रय् लगानी यायेमाः।
n मिसा पुचःयात नं सक्रिय यायेफुसा विधि व्यवहारय् सुधार याये अःपुइ।
n कवः थाकुलिपिं सक्रिय जुइमाः।
n झीगु मंकाः स्वास्थ क्लिनिक दयेमाः।
मू पाहाँ उदाय् समाजया नायः पञ्चवीरसिंहं तुलाधरं ज्याझ्वलं थः उत्साहित जूगु खँ कनादिल। वय्कलं थःभाषा, धर्म व समाजया ज्याय् समर्पित जुयाच्वनागु व थुकिइ सकसिंगु तिबः ग्वाहाली दइ धयादिल।
गुथिया न्वकु लक्ष्मीरत्न तुलाधरं सुभाय् बियादिसे ज्याझ्वः तःजिक क्वचायेकेत ग्वाहालि यानादीपिंत देछाना दिल। संरक्षक द्रव्यमानसिं तुलाधरं सकल उदाय् समाजया प्रतिनिधिपिनि दथुइ जूगु सहलह ज्याझ्वलं थवंथवय् समझदारी ब्वलंकाः समाज न्ह्याकेत मुल्यवान मार्ग निर्देशिका जुइगु बिचाः प्वंकादिल।
बहनीसिया ८ ताः इलय् सकसिनं लसता भ्वजय् ब्वति कयादिल।
सहभागिपिसं बिउगु सुझावया भावमुना
१. विधान संसोधन जुइमाः।
२. कवः प्रतिनिधि खुलाय् छक्व मुनेमाः।
३. समितिया नायःनाप दछिइ छक्वः मुनेमाः।
४. समानुपातिक सहभागिता व समावेशी सहितया विधान जुइमाः।
५. समाजया उद्देश्यकथं न्ह्यायेतStrength, Weakness, Opportunities स्वया अल्पकालिन व दीर्घकालिन कार्ययोजना दयेकेमाः।
६. विधिव्यवहारया नियम पालना याकेत क्वात्तुगु पलाः न्ह्याकेगु, दण्ड व पुरस्कारया व्यवस्था जुइमाः।
७. समाजया थःगु हे ज्याकू दयेमाः।
८. न्हापांनिसें न्ह्याना वयाच्वंगु गुथि व सामाजिक संस्कारया सम्मान यासें सहअस्तित्वया आधारय् सुधार ज्या यायेमाः।
९. गैर बौद्ध धर्मावलम्बि उदाय्तय्त नं दुथ्याकेगु स्वयेमाः।
१०. छेँखां छम्ह मताधिकार सहितया सदस्य जुइमाः।
११. उदाय् जुयागुया गौरव तायेमाल।
१२. प्रतिस्पर्धी जुइत तालिम संचालन यायेमाल।
१३. न्हू पुस्ताया सहभागिता अप्वयेका यंकेमाल। प्रतिभाया सम्मान जुइमाः।
१४. थःगु भाय्या छ्यलाबुला न्ह्याके माल।
१५. समाजया गतिविधिया प्रभावकारी प्रचार

More Stories Like this