धर्मोदय सभाया न्हू ज्यासना पुचःयात भिंतुना

सम्पादकजु

पं बद्रीरत्न बज्राचार्यजुया नायःसुइ न्हूधाः जूगु धर्मोदय सभाया न्हू ज्यासना पुचःया सकल दुजःपिं सल्लाहकार व धर्मानुशासनकजुपिंत दुनुगलं भिंतुना दु ।

धर्मोदय सभा राष्ट्रिय बुद्ध धर्माबलम्वीतय् मंकाः संस्था खः । धर्मोदय सभाया कुतलय् निक्वःमछि विश्व बौद्ध सम्मेलन नेपाः धर्मनिरपेक्ष राष्ट्र जुइमाः धइगु माग यानाः लाखौं मनूत सतकय् हयाः शान्ति पद र् याली यायेत ताःलाःगु संस्था खः । थ्व संस्थानाप आवद्ध संस्थात तःगू मछि संस्थात जिल्लाय् दु । आदिवासी जनजातित नं दुथ्याःगु छगूयां छगू बौद्ध संस्था धर्मोदय सभाया तःक्वःमछि ल्यज्या जुयाः ज्यासना पुचः पलिस्था जूगु इतिहास दु । उबलय् धर्मोदय सभा धार्मिक संस्था मखु ला आः जक धार्मिक संस्थाय् ल्यज्या याये मजिउ सहमति यायेमाः धकाः ल्यज्याया दक्व प्रकाशित ज्याझ्वः गथे क्वःदल थ्व सुयागु क्वपुलां बिचाःया फसं पुइकायंगु खँ खः थुकिया लिसः चित्तबुझे जुइक जःिपंत बीत इनाप दु । न्हापाया ल्यज्यां संस्थायात गुलि हानी नोक्सानी यात उकिया नं मूल्याङ्कन जुइमाः । देश प्रतिगमनं अग्रगमनपाखे समावेशी धर्मनिरपेक्षया लँय् न्ह्याः वनाच्वंबलय् सुयागुं धालखँय् वा प्रभावय् वयाः ल्यज्या थेंज्याःगु ज्याझ्वःयात फासांफुसुं यानाः सहमति धयाः यःयःपिं मनूत वया मनू थ्वया मनू धकाः दुथ्याकाः गथे सहमति जुइ ।

नां दुपिं ख्वाः दुपिं व दां दुपिं दुजःपिनि स्याःस्याःपिनिगु शोकसभा यानागु सचिवया प्रतिवेदनय् न्ह्यथनेगु अन्य आ।जः वा पुलांपिं दुजःतय् परिवारया मां बौ मदुगुया छुं नं लुमन्ति मतयेगु थ्व गज्याःगु प्रवृत्ति खः गज्याःगु निखेंत्यः नीति खः थज्याःगु प्रवृत्ति व नीति आःया ज्यासना पुचःपाखें ल्वःमंसें नं मयायेमा धकाः इनाप यानाच्वना ।

नकतिनि संरासं या महाधिवेशनय् ब्वति कयाः लिहां झाःम्ह प्रम प्रचण्डजुं जानकारी बियादी कथं थ्व हे कार्तिक १४ गते नेपाः झायेत्यंम्ह संरासंया महासचिव भाजु वान की मूनजुयात धर्मोदय सभापाखें नं तःजिगु लसकुस ज्याझ्वः यायेगु लागि आवंनिसें तयारी यायेत सम्बन्धित थासय् माःगु पहल न्ह्याकेत इनाप यानाच्वना । पुलांम्ह महासचिव ऊ थान्त थें वय्कः मूनजु नं बुद्धधर्म हनीगु देय् दक्षिण कोरियाया नागरिक जूगुलिं वय्कःयात झी सकल बौद्धतय्पाखें तःजिक लसकुस यायेगु धार्मिक ज्या जुइला कि सुभाय् ।

- शान्तरत्न शाक्य लगं येँ
आजीवन जः ल्याः २ ४

More Stories Like this