मिस नेपालया उपाधि जेनिशायात

थुगुसीया मिस नेपालया उपाधि जेनिशा मोक्तानं त्याकूगु दु । जेनिशां आः डिसेम्बरय् जुइगु मिस वर्ल्डय् नेपाःया प्रतिनिधित्व याइ ।

दच्छि न्ह्यः तच्वःगु विरोधया कारणं जुइमफगु थुगु प्रतियोगिताय् फर्स्ट रनर अप रिचा थापा मगर जूगु दुसाः सेकेन्ड रनर अप कुन्छाङ तामाङ मोक्तान जूगु दु । फर्स्ट रनरअप जुम्ह थापा मगरं नेपाःया प्रतिनिधित्व यासें फिलिपिन्सय् जुइगु मिस अर्थय् ब्वति काइगु जूगु दु ।

पुलाम्ह मिस तामाङ २००६ नं जुम्ह जेनिशां मिसा नेपालया उपाधि नापं न्य्यद्वं त्याकूगु दुसाः फर्स्ट रनरअप ऋचां नीन्याद्वं व सेकेन्ड रनरअप कन्छाङं झिंन्याद्वं त्याकूगु दु । अथेहे थीथी विधाया उपाधि त्याकेत ताःलापिं प्रतियोगितय्त म्हतिं न्याद्वं लःल्हाःगु खः । प्रतियोगिताय् थीथी विधाया उपाधि त्याकूपिनि नां छसिकथं थथे दु :-

मिस ट्यालेन्ट - ऋचा थापा मगर
मिस प्रर्सनालिटी - ऋचा थापा मगर
मिस फोटोजेनिक - आयुषा कार्की
मिस ब्यूटी कम्प्लेक्सन - आयुषा कार्की
मिस ब्युटिपुल हेयर - पद्मिनि झा
मिस ब्युटिपुल स्माईल - पुनम थपलिया
मिस बेस्ट वाक - जेनिशा मोक्तान
मिस फ्रेन्डसिप - अस्मिता अग्रवाल
पब्लिक च्वाईस - आकृति श्रेष्ठ

थ्वस्वयां न्ह्यया मिस नेपालं न्हूम्ह मिस नेपालयात ताज पुइकेगु चलन दुगु ख:सां थुगुसी निदँ तक मिस नेपालया ताज पुम्ह सिताष्मा चन्द उगु ज्याझ्वलय् उपस्थित मजूगुलिं न्हापांम्ह मिस नेपाल रुवी राणां न्हूम्ह विजेता मोक्तानयात ताज पुइकूगु खः ।

मिस नेपालया ज्याझ्वः जुयाच्वंगु ईलय् थीथी महिला संगठनतय्सं प्रतियोगिता दिकेमाःगु माग यासें ज्याझ्व: स्थल पिने विरोध प्रदर्शन याःगु खः । दच्छि न्ह्यः नं एकीकृत नेकपा (माओवादी) सम्बध महिला संगठनतय् विरोधया कारणं थुगु प्रतियोगिता जुइमफूगु खः ।

More Stories Like this