पूर्व जुजुपिं गिरिजा व प्रचण्ड

सम्पादकजु

पंचायती ब्यवस्थाय् जुजुपिं गनं विदेश भ्रमणय् वनीबलय् थः लानि व परिवारया मेमेपिं दुजःत नं लिउलिउ वनेगु याइ । २०४६ साल लिपा बहुदलीय ब्यवस्थाया इलय् नं प्रधानमन्त्री गनं विदेश भ्रमणय् वनीबलय् कलाः अले म्ह्याय्िपं नं लिउलिउ यंकेगु याः । बहुदलीय ब्यवस्थाया इलय् दकलय् अप्वः प्रधानमन्त्री जुइत ताःलाःम्ह नेपाली कांगे्रसया गिरिजा प्रसाद कोइराला प्रधानमन्त्री जूबलय् थः गन गन विदेश भ्रमणय् वन अन अन थः म्ह्याय् सुजाता कोइराला- यात नं लिउलिउ ब्वनायंकी । आः संघीय लोकतान्त्रिक गणतन्त्र जुइधुंकाः नं थ्व परम्परायात निरन्तरता बियाच्वंगु दु । गणतन्त्र नेपाःया न्हापांम्ह प्रधानमन्त्री भाजु प्रचण्डं नं अमेरिका भ्रमणय् थः कलाः नापं थः काय प्रकाशयात नं लिउलिउ यंकूगुलिं थौंकन्हय् चर्चा जुयाच्वंगु दु । प्रकाश दाहाल प्रधानमन्त्री निवासया स्टाफ अले कम्प्यूटर अपरेटर जूगुलिं अमेरिकाय् नापं यंकागु धकाः धाःगु हास्यास्पद मजू ला नेपालय् थःगु स्वार्थ त्वःताः देय् व जनताया लागि ज्या याईपं नेतात मदुगु हे नेपाःमिपिनिगु दुर्भाग्य खः । खँय् भाषाय् छगू उखान दु नि जुन जोगी आए पनि कानै चिरेको । सत्ताय् थ्यन कि नेतात नातावादय् तक्यनीगुलिं नेपाःया विकास जुइ मफुगु खः ।

- अमिर घरज्वाइं
न्यतपाःच्व प्रधानचोक येँ

More Stories Like this