थथे याःसा बेस जुइ ला

थौंकन्हय् स्वयम्भु भगवानयाथाय् द्यइके वईपं व मर्नीङ्ग वाक झाईपं भक्तजन यक्व दु । वहे स्वयम्भू भगवानयाथाय् च्वंगु भजन सतलय् भजन याईपं धाःसा झन झन कम जुया वनाच्वंगु दु । गुंलाबलय् च्वनां च्वनेथाय् मदयेक हुलहुल जुइगु । आः ख्वाउँगु बढे जुयावःगुलिं जकं खः ला भजन शुरु यायेत मनू हे मुने थाकु । लिपा जूलिसे तिनि धर्म पासापिं यक्व दया वइ । जिं थथे धाल धकाः लिबाक भजनय् झाइपिनि जि खनाः तं पिकयाः थथे नं धायेमास्ति वः जुइ गुरु जुइ सः चेला जुइ मसः । ख ला खः । जि थः हे सवा सात लिपा तिनि भजनय् थहां वनेगु । जिं धायेत्यनागु छु धाःसां भजन हालीपिं धर्म पासापिं बांलाक ममुंतले सुथ न्हापां भजन सतलय् भजनया सीडी व क्यासेट हायेकेगु यात धाःसा सेंसेंमिंक तँ गयाः झायाच्वंपिं भक्तजनपिनि न्हाय्पनय् ज्ञानमाला न्यनाः मन याउँसे च्वनाः त्यानुगु हे ल्वःमनी ला थ्व खँ धा ला जिं पदाधिकारीपिंत नापलानाः म्हुतुं हे नं धायेफुगु खः । अय्नं पौ हे च्वयाः पिदन धाःसा याकनं हे जिगु इनापयात पूवंकादी ला धकाः जक खः ।

- कृष्णमान डंगोल
मखंगल्लि तुन्छेबहाः येँ

More Stories Like this