नेवाः समुदाय कि जाति ?
सम्पादकजु
नेवाःयात समाज धायेगु लाकि समुदाय धायेगु धकाः न्ह्यसः वःगुलिं थ्व पौ च्वयाच्वना । जिं स्वयेबलय् समुदाय धइगु छगू जाति कथं जक मिले जुइ थें च्वं । छगू विशेष जातियात जक समुदाय धायेत पाय्छि जुइगु जूगुलिं नेवाःतय्त समुदाय धकाः संबोधन यायेबलय् चीधंगु छगू जाति कथं जक थुइगु जू वनी । उिकं झी नेवाःत चीधंगु छगू जाति जक मखुगुलिं थ्व जातियात अथवा फुक्कं नेवाःतय्त संबोधन यायेबलय् नेवाः समाज धकाः संबोधन यायेमाःगु अले नेवाः दुने दुपिं नेवाः विशेष जातियात संबोधन यायेबलय् जक नेवाः समुदाय धयाः संबोधन याये मिले जू थें च्वं । गथेकि नेवाः तुलाधर समुदाय, नेवाः श्रेष्ठ समुदाय आदि ।
गैर नेवाःतय्सं थें नेवाः समुदाय धकाः फुक्कं नेवाःतय्त संबोधन मयासे झी झीगु जातियागु आकार अले जनसंख्यायात महत्व बियाः नं नेवाः समाज धयाः संबोधन यायेबलय् बांलाइ थें च्वं ।
रश्मी तुलाधर येँ
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
