नेवाः खलः पुचःतय्त इनाप

सम्पादकजु

नेवाःतय्गु तजिलजि गतिविधित कःघानाः नेपाल टेलिभिजनय् न्ह्यब्वया वयाच्वंगु ज्याझ्वः सिने दबू प्रालिया 'मतिनाया स्वां' खः । थुगु ज्याझ्वः प्रत्येक सोमवाः बहनी ७ः३० निसें ८ ताःई तक एनटिभी-२ लय् बाघौ जक जूसां प्रशारण जुयाः नेवाःतय्गु मन त्याकाः धाथें मतिनाया स्वां जुयाः ह्वह्वं नं वयाच्वंगु दु । तर वंगु श्रावण महिनां निसें आकाझाकां थुगु ज्याझ्वलं दिपाः काःगु कालं तुं जुयाबिल । थौंतकं उगु स्वां ह्वया वये मफुनि । गुिकं यानाः नेवाः स्वकुमििपंत बांमलाक हे लिच्वः लाःवन । छन्हु न्यनेकने यानाबलय् थुकिया यथार्थ खँ सिल व खः प्रायोजनया अभाव । दच्छि तक ला ज्यूत्युं यानाः स्वां ह्वयेकूगु जुयाच्वन लिपा तसकं थाकुयाः बाध्यतावशं हे थथे दिपाः काःगु जुयाच्वन । थ्व छगू नेवाःतय्गु िनंितं तसकं दुर्भाग्यया खँ खः । छाय्धाःसां ह्वयाच्वंगु स्वांयात नं झ्वाः जुइका च्वनेमाल ।

ख नं खः प्रायोजन मदयेकं बांलाक सुथांलाक्क ला न्ह्याइ हे मखु । उिकं अथे न्ह्याकेत प्रायोजन मदयेकं हे मगाः । झीथाय् थुलिमछि ततःधंिपं नेवाः साहु महाजन धाःिपं दु उमिगु मन थुखेपाखे छाय् क्वसाः मवँसे मेमेगुली जक क्वसायेकाः काय मियाः च्यः न्यायेगु प्रवृत्ति ज्वनाः न्हाय् ध्यनाः सर्गः खंकाच्वन थुलिमछि नेवाः खलः पुचःत नं मदुगु मखु उमिसं नं छाय् म्हुतुइ धौ फिनाः लातां म्वाय् स्वः थें जक स्वयाच्वन छाय् याकः ख्वालं पुयाः स्वक्वः कौला यानाच्वन नेवाःतय्गु अधिकार भाषा तजिलजिया इलय् ब्यलय् खँ ल्ह्वनाः सभा गोष्ठीइ सः थ्वयेकाः नँ न्याः थें खँ न्यायेका जुईपं नेपालभाषाया खलः पुचःतय्सं थुकिया बारे चिउताः प्वंकाः हाकनं ुमतिनाया स्वांु ह्वयेका बीगुपाखे स्वयेम्वाः ला झन मदयाच्वंगु इलय् तनेमाःथाय् व नं दयाच्वंगु हे तनावनं नं छाय् सुनां नं ध्यान मबिल थ्व छगू विडम्बना हे खः । खालि नयेध्वंया नयेध्वं जक दयाः नेवाःतय्गु स्थिति वहे मुलुया वहे सुका जुयाच्वंगु खः । खालि भाषा भाषा धाल थौं थःगु भाषां न्ह्यानाच्वंगु ज्याझ्वलं दिपाः कालं तकं सुं खलः पुचःतय्सं छाय् छु जुयाः दिपाः काः वन धयागु खँय् चिउताः कयाः ह्वयेकेपाखे मस्वःगु खनाः तसकं अजू चाल । उिकं खलः पुचःतय्त नं थुगु ज्याझ्वःयात ह्वयेकेगुपाखे स्वयेत दुनुगलंनिसें इनाप यानाच्वना ।

- पुष्परत्न ताम्राकार 'स्वीटहर्ट'’
३०५÷४७ न्यत काय्गःननि
योगवीरिसंह मार्ग

More Stories Like this