अमेरिकी सैनिकया कारणं कोरियाय् वेश्यावृत्ति अप्वल

जोल्टन डुजिसिन

अमेरिकी सैनिकतय् ख्वातुगु उपस्थिति दुगु सिओल लिक्कया क्याम्प स्टान्ले क्याम्प टाउन लिक्क देह व्यापारीत खने दयावःगु दु ।

सन् १९४५ निसें अमेरिकी सैनिकत कोरियाली प्रायद्विपय् च्वनाच्वंगु दु व आः थ्व ल्याः अथे हे २८,५०० दु। कोरियाय् सन् १९५० व १९५३ य् गृहयुद्ध जूगु खः। उगु युद्धया कारणं अन अमेरिकी सैन्य पुचः तैनाथ याये हःगु खः। वामपन्थी जःलाखःला उत्तर कोरियाया प्रत्याक्रमण पनेत थ्व सैनिक च्वनाच्वंगु खः। थ्व सैनिकतय् उपस्थितिया कारणं हे उगु लागाय् वेश्यावृत्ति अप्वया वःगु प्रत्यक्षदर्शीतय् धापू दु।
रसियाली व चिनीया सैन्य नापं गृहयुद्ध लिपा अमेरिकी सैनिकं नं कोरियाली प्रायद्विपय् थःगु अखडा दयेकूगु खः। तर रसिया व चीनया सेनां थ्व थाय् त्वःतूसां अमेरिकां धाःसा सछिगू सैन्य अखडा स्वनाः अमेरिकी सैनिक अन तयातःगु दु। यौनकर्मीतय्त परामर्श, चिकित्सा व कानुनी ग्वाहालि बिया वयाच्वंगु स्थानीय गैरसरकारी संस्थाया प्रमुख यु योङ निमं आईपीएसयात थ्व खँ कंगु खः ।

यु योङ निमया ज्याकू क्याम्प स्टान्ले क्याम्प टाउन लिक्कसं छुं मिटर तापाःगु स्थानीय कोरियाली रेष्टुराँय् १९८० या दशकंनिसें हे अमेरिकां आयातित केन्टुकी फ्राइड चिकेन व सबवे न्यायेगु दु। थुकिं स्थानीयवासीं शहरया पुलांगु परम्परा समाप्त जुजुं वनाच्वंगु अनुभव याःगु दु । यौनकर्मितय्सं आपालं कोरियाली ग्राहकयात वेवास्ता यानाः अमेरिकी सैनिकतय्त महत्व बी। 'जि.आई.नं छुं गुनासो मयासे नयेगु नइ' वं आईपीएसयात कन। 'कोरियालीतय्सं सदां राजशी शैलीइ नयेगु माग याइ ।'

थ्व सैन्य अखडाया कारणं पुडाटसिगा नांगु न्हूगु नसा कोरियाय् प्रचलनय् वःगु खः। असहाय कोरियालीतय्सं अमेरिकी सैनिकतय्सं वांछ्वइगु ससेज, चिज लगायतया नसायात हे थःपिनि नसाया अंग दयेकी ।

थःगु यौवनया अधिकांश ई यौन कामदार जुयाच्वंम्ह व अमेरिकी सिपाहीपाखें काय नापं बुइके धुंकूम्ह वं क्लब चायेकल व मेमेंिपंत नं ज्या बिल। वं आम्दानी म्हो जुयाः वनेवं थःगु पसलं स्वदँ न्ह्यः बन्द यायेत बाध्य जूगु खः।
'सैन्य अखडा बन्द जूसा जि अमेरिका हे वनेगु कुतः यायेगु जुइ अथे जुइ फुसा जि कायया लागिं बांला हे जुइ।' वं कन। वया काय कोरियाय् च्वनी व भाषा नं बांलाक ल्हाइ तर प्राथमिक शिक्षा अंग्रेजीं कयाच्वंगु दु। 'जितः ताः व कोरियाली विश्वविद्यालयय् भर्ना जुइ फइ। अमेरिकी विश्वविद्यालयत जिमिगु निंतिं तसकं हे थिके ।'

वं ग्वाहालिया निंतिं वया अबुनं जक ग्वाहालि याइगु आशा काःगु दु। जिमि बाज्यालिसं जिगु भचा भचा स्वापू दु तर अबुजुलिसें म्हो जक स्वापू दु। वं काययात क्रिसमश कार्ड समेतय् छुं नं उपहार मबिउ। उमिके जिगु स्वयां अप्वः दां दु तर कायया लागिं छुं याइ मखु। वं धाल। जिमि काय नं थः अबु हे मदुगु कनी ।'

आपालं अमेरिकी सैनिकं स्थानीय वेश्यातलिसें इहिपाः याःगु दु व उपिं प्वाथय् नं दुगु दु। तर लिपा उमित त्वःताः छ्वइ। नापं च्वनिपिं तिपुलय् नं थ्व मिस्तय्त भाःत वा मिजं पासापिंपाखें उपिं शारीरिक, मानसिक व आर्थिक दुर्व्यवहारं पीडित जुइ' योङ निमं कन ।

'थ्व मिस्त अप्वः थें स्यनेधुंकूगु द्वने धुंकूगु परिवारं वइ, यौन दुर्व्यवहार वा घरेलु हिंसाया पृष्ठभूमिपाखें वइ व थ्व अपराध पीडितयात संरक्षण नं चूलाइमखु। वं धाल। 'वेश्यावृत्तिया व्यवसायलय् दुहाँ वयेधुंकाः उपिं थुकिं तापाये फइ मखु।'
अमेरिकी अधिकारीतय्सं वेश्यावृत्तिया सम्बन्धय् निन्दा यासें वक्तव्य जारी याइ तर थुकियात पनेत म्हो जक कुतः जुयाच्वंगु दु। उपिं थ्व पद्धति अमेरिकी सिपाहीया लागिं जक खः धायेगु तायेकी। सतही रुपं उमिसं शून्य सहनशिलताया नीतिया खँ ल्हाइ तर व्यवहारय् अथे जुइ फयाच्वंगु मदु। योङ निमं आईपीएसयात कन ।

कोरियाली मिस्तय् वेश्यावृत्तिइ म्हो जूगु खयेफु तर कोरियां आर्थिक क्षेत्रय् आपालं प्रगति याःगु दु। अमेरिकी सिपाहीतय् लागिं कानुनी कार्यालय व परामर्श केन्द्र नापं नीस्वंगु दु।
नकारात्मक प्रसार जुइवं अमेरिकी सेनाया उच्च अधिकारीं वेश्यावृत्तिया सम्बन्धय् अप्वः हे निन्दा यायेगु शुरु याःगु दु। अमेरिकी सिपाहीतय्त केन्द्रीय सिओल च्वंगु परम्परागत मनोरञ्जन स्थलय् जुइगु घुमरुिरयात निरुत्साहित यायेगु यानाहःगु दु। तर थ्व लिपांगु पलाः नं प्रभावकारी जुइ फुगु मदु ।

दोङडुचेनय् सन् १९९२ य् छम्ह वेश्याया निर्मम हत्यां थुगु विषययात दकलय् अप्वः प्रचारय् हःगु खः। थुगु घटनाय् अमेरिकी सैनिकया ल्हाः दुगु धासें ल्हाः पतिं थांगु खः। उमित सन् १९४५ निसें प्राप्त विशेष कानुनी व्यवस्थाया कारणं छुं कारवाही यायेफुगु मदु ।

दक्षिण कोरियाय् वेश्यावृत्ति अवैध खःसा नं शिविर च्वंगु शहरय् खुलेआम वेश्यावृत्ति जुयाच्वंगु दु। आः न्ह्यानाच्वंगु वेश्यावृत्ति विरोधी कानुनं कोरियाली मिसाया समस्याया सम्बन्धय् संवोधन यायेगु कुतः याःगु दु, अथे नं उकिय प्रभावकारिताया विषयय् स्थानीय अधिकारकर्मीं असहमति प्वंकूगु दु। तथापि, थुकिं विदेशी यौन ज्यामियात चीकेत प्रभावकारी जुइगु खनेदु छाय् धाःसा उमित ज्वन धाःसा स्वदेश छ्वयाबी ।

फिलिपिन्स लगायतया मुलुकं दँय्दसं अथे हे ३,००० निसें ४,००० कोरिया दुहाँ वइ। रसियाली, उज्बेक व कजाख मिस्तय्त कोरियाय् मीगु न्हापा न्हापा परम्परा जुयाच्वंसां वेश्यावृत्तिया रूपय् ज्या याइपिं मिस्त आः ९० प्रतिशत दक्षिणपूर्वी एसियाली राष्ट्रं वइ ।

More Stories Like this