थौं कृष्ण जन्माष्टमी, राष्ट्रपतिपाखें यलय् वनाः कृष्णद्यः दर्शन
गुलांगा अष्टमी कुन्हु भगवान श्रीकृष्ण बूगु लसतां जाःगु चा जूगुलिं थौं देयन्यंकया हिन्दु धर्मालम्बीतय्सं कृष्ण जन्माष्टमी न्यायेकल । द्वापर युगया अन्त्यपाखे पालनकर्ता भगवान नारायणं धात्थेंया मनू जीवन गथे यानाः हनेमाः धैगु उदाहरण जुयाः क्यनेत मनूयारुप कयाः जन्म काःगु खः ।
थौं सुथंनिसें श्रद्धालु व भक्तजनतय्सं कृष्णद्यःयात यःगु मनभोग मख्खन, दुरु, धौ, आदि छानाः कृष्णद्यःया पुजा याःगु खसाः न्हिच्छि कृष्णद्यःया न्हयःने भजन यानाः, प्याखः हुलेगु थौंया न्हि कृष्णद्यःयात अर्पण या:ग ख: । नापं कृष्ण जन्माष्टमीया लसतय् थौं त्वाः त्वालय् कृष्णद्यःया थीथी किपा व बाखंकिपा ब्वयातःगु खः ।
अथेहे कृष्ण जनमाष्टमिया लसताय् राष्ट्रपति डा. रामवरण यादवं यलय् च्वंगु कृष्ण मन्दिरय् झाया कृष्णद्यः दर्शन यानादीगु दु । सुथय् गुतात्याः ईलय् अनः थ्यंकादिम्ह राष्ट्रपतिया सवारीया निंतिं सुरक्षा व्यवस्था कडा याःगु खः । अथेहे अनः तःधंगु ल्याख्यः श्रद्धालु भक्तजन व सर्वसाधारणतय्सं नं द्यः दर्शन याःगु खः ।
सापारु निसें हनावःगुया च्यान्हु दुगु क्वचायेकीगु न्हि नं थ्व हे खः ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
