नेवाः स्वायत्त राज्य प्रशिक्षण

रत्नकाजी मन

नेवाः जागरण माचया भातृ संगठन नेवाः जागरण व्यापारी माचं नेवाः स्वायत्त राज्य सम्बन्धय् छगू प्रशिक्षण ज्याझ्वः ग्वसाःग्वल । थौं सुथय् क्षेत्रपाटी पार्टी प्यालेसय् न्ह्याकूगु प्रशिक्षणय् नेवाः समुदायया सच्छिं मल्याक स्थानीय व्यापारीतय्सं ब्वति काःगु प्रशिक्षणय् जागरण माचया संयोजक सुजीव बज्राचार्यं प्रशिक्षण ज्याझ्वः छाय् ग्वसाःग्वय् माल व जागरण माचया सचिव विजयकृष्ण श्रेष्ठं नेवाः समुदाययात नेवाः स्वायत्त राज्यया आवश्यकताबारे स्पष्ट यानादिल ।

छघौत्या तक न्ह्याःगु प्रशिक्षणय् नेवाः देय् दबूया संरक्षक मल्ल के सुन्दरं नेवाः स्वायत्त राज्य छु खः व आः दयेकीगु संविधानय् जातीयताया आधारय् स्वायत्त राज्यया आवश्यकता छाय् दु धइगु सम्बन्धय् प्रशिक्षण बियादीगु खः ।
वय्कलं नेपाःयात वास्तवित न्हू नेपाः दयेकेत व जनताया सार्वभौमसत्ताया उपयोग याकेत नेवाः भूमिइ नेवाः स्वायत्त राज्य जुइ हे माःगु विचाः प्वंकादिल ।

प्रशिक्षणलिपा स्थानीय व्यापारीतय्सं नेवाः स्वायत्त राज्य सम्बन्धय् थःपिंके। न्हूगु उर्जा थपय् जूगु विचाः प्वंकूगु खः ।

More Stories Like this