गाडी दुर्घटनाया कारणत
येँया रत्नपार्क-वीर अस्पताल लागाय् नकतिनि हे छगः कारं ठक्कर नकाः छक्वलं खुम्ह मनू सीगु घटनां थन सकस्यां नुगः काइँया मिंका बिउगु दु। अय्लाः त्वनाः गाडी चले यानावःम्ह छम्ह ल्याय्चाम्ह चालकं तसकं बांमलाक याःगु उगु दुर्घटनाय् लानाः थ्व खुम्हमछि मनूतय् ज्यान वंगु खः। गाडीया अवस्था स्वयेबलय् चालक स्वयमया नं मृत्यु जुइमाःगु खनेदुसां भाग्यं चालक व वया पासापिं धाःसा बचे जूगु दु ।
थ्व दुर्घटनाया लिउने अनेक कारण दयेफु। तर छगू आम कारण छु धायेबलय् नच्चागु उमेरय् हे सवारी साधन चले याके बीगु झीगु चलनं थज्याःगु अनावश्यक दुर्घटनात यक्व हे जुयाच्वंगु दु। बहनी लँय् दिकातःगु गाडीइ मोटरसाइकल ठक्कर नः वनीगु, खुल्ला लँय् नं दथुइ च्वंगु डिभाइडरय् न्याः वनीगु आदि घटनात अप्वः यानाः उमेर मत्यःनिपिं ल्याय्म्हचापिं चालकतय्सं याइगु खः। मस्त लय्तायेकेत मांअबुपिंसं मत्यःनिवं हे मोटर, मोटरसाइकल न्याना बीगु प्रवृत्ति, अज्याःपिं ल्याय्म्हचातय्सं अय्लाः त्वनाः सवारी साधन ब्वाकीगु प्रवृत्ति व उमिके कमी जुयाच्वनीगु ट्राफिक जाम आदिं यानाः थज्याःगु दुर्घटनात जुइ। थज्याःपिं हे ल्याय्म्हचापिं चालकतय् कारणं यानाः स्वनिगः दुने यातायात जामया समस्या जुयाच्वनीगु खँ नं ट्राफिक अनुसन्धानं पत्ता लगे याःगु दु। उकिं गुलिखे मनूतय्सं भोट कुर्केगु वा छुं विशेष ज्या यायेगु लागिं निश्चित उमेर तोके यानातः थें आः गाडी व मोटरसाइकल चले यायेगु लागिं नं निश्चित उमेर तोके यायेमाःगु बिचाः नं न्ह्यःने हयाच्वंगु दु। उमेर हे तोके मयायेगु खःसां थज्याःगु प्रवृत्तियात पनेगु लागिं छुं पलाः धाःसा अवश्य नं ल्ह्वनेमाःगु जुयाच्वंगु दु ।
More Stories Like this
छाय् जुइ थपाय्जिगु अपराध? जनतायात सास्ती जुइगु विरोध मजिल उपप्रमपाखें भारतय् याःवंगु ब्रिफिंग अपराध व राजनीति आः नापनापं हे माओवादी सहमतिया थीथी पक्ष
