तःजिक हन सापारु

वंगु दच्छिया दुने थः छेँजःपिं सुं सीगु दुसाः अज्याःपिं सीपिनिगु नामं सा छ्वयेगु दिं खः थौं - सापारु । गुंलागा पारुलय् लाःगु थ्व सापारु कुन्हु वंगु दच्छि थः मदुपिनि नांमय् थौं नेवाःतय्सं स्वनिगः नाप नापं नेवातय् तःधंगु वस्ति दुगु थाय् भोँत, धौख्यः, पोखरा, बागलुङ आदि थासय् नं सायाः छ्वःगु खः ।

थ्व कुन्हु साया पलेसा कय्तापुजा मयाःनिम्ह मिजं मचायात साया रुप वयेक छाय्पिया देय् चाःहुइकेगु चलन नं दु । वयात मूलुखाय् थनाः पुजा यानाः देय् चाःहुइके यंकी । लिथ्यनकि हानं मूलुखाय् थनाः दुकायेत पुजा याइ । छ्यनय् पुयातःगु पिचा गणेद्यःयाथाय् छायेयंकाः सापारु क्वचायेकी चलन दु । सापारु चाःहिउ वंतले छेँय्च्वंपिंसं न्हि छब्वया ल्याखँ दच्छियात ३६५ भाग मह्रि, फलफुल तयाः सा चाःहूवइगु लँपुइ च्वनाः मेमेपिं सायाः वःपिंत इनाछ्वइ ।

अथहे गुलिखें थासय् सायाः नापं घिमेबाजं, बाछै बाजं थानाः, काहा पुयावइगु नं चलन दु । नापं मनूत निम्ह निम्ह जानाः निपा ल्हातं छकु निकु हाकःगु कथि ज्वनाः 'घिन्तां घिसि त्वाक्क'या बोलय् बाजं थाकाः कथिकासा म्हिता देय् चाःहुलीगु नं चलन दु ।

थुकुन्हु भगवन बुद्धं गया धाःथासय् बोधिवृक्षया क्वःय् फ्यतुना ध्यान याना क्लेशमा,र कृत्युमार व देवमार आदि विजय यानाबिज्याःगु न्हि खः । उकिं थौं चैत्य पुजाः व बहिद्यः दर्शन याना बुद्धयात आभार व्यक्त याःनिगु चलन दु ।

More Stories Like this