छेँ छेँय् नागया छापा तिकल

थौं नाग पञ्चमिया लसताय् सकस्यां छेँया मूलुखाय् नाग च्वयातःगु छापा तिकाः छेँया हामां पुजा याःगु दु ।

गुंलाथ्व पञ्चमि कुन्हु छापा नापं साया सौ तिकाः उकी सितु ज्वंकीगु चलन दु । नापं सिन्हः तिकाः जजंकां क्वख्यायेकाः स्वाँनः छाय्पियाः दुरु, घ्यः, कस्ति, मह्रि, फलपुल छायेगु याइ । अथेहे इताः मत, घुपाँय् च्याकाः पुजा क्वचायेकी । गुलिस्यां छेँया दक्वं लुखाय् चिचापाःगु नागया छापा तिकाः थथे हे पुजा यायेगु याइ ।

नेपाःगाःया लःपित छव्:बलय् थन च्वंम्ह कर्कोटक नागयात तौदह, शेष नागयात नागदह व मेमेगु दहलय् यानाः फुक्कं नागतय्त बास दयेका ब्यूगु खः । नागपाचमिया लसताय् नागदह व मेमेगु यक्व थासय् थौं मेला जूगु खः । नागं वास याःथाय् लक्ष्मीं वास याइ, शान्ति जुइ, वास धिसिलानाच्वनी धइगु विश्वास दु ।

More Stories Like this