हन - गथांमुगः चःर्हे
नेवाःतय्सं दिल्लागा चतुर्दशी कुन्हु न्यायेकीगु गथांमुगः चःर्हे सोमवाः नेवाःतय्सं त्वाःत्वालय्, बस्तीइ हंगु दु ।
स्वनिगःया थीथी दुवातय् दथुइ वाउँगु हःनापं दुगु तिंप्वाँययात स्वपां चुइकाः थंगू खः । छगू दुवातय् मिजं चिंकथं तिंप्वाँथाय्या लिंग दयेकाः दथुइ घानाः मिजं चिं कथं च्वयातःगु छपाः तिकाः मिजं वा भैरव भाःपीगु खसाः मेगू त्वाःया दुवातय् दथुइ मिसा ल्याखं मिसाचिं च्वयातःगु छापा तिकाः मिसा वा अजिमा भाःपीगु खः ।
न्हिच्छि तक सकस्यां थःथःगु छेँ सुचुकुचु यानाः मुनागु धू भचा तयाः कापःयागु कतांमरि दयेकाः वयात प्वःचिनकाः थनातःगु गथांमुगलय् घाये यंकूगु खः । थौं हे मभिंगु खँ पाखें जोगे जुइत समस्यां नयागु अंगू वा पाचधातुया अंगू न्ह्याःगु ख: ।
देशय् दुःख बिया वयाच्वंम्ह छम्ह राक्षसयात तान्त्रिक छम्हेसिनं ब्यांया कयावयाः जिस्केयानाः लिकेबिया घ्वपय् लाकाः स्याःगु न्हि कथं थ्व नख: हनावयाच्वंगु खः ।
गथांमुगः चःर्हेनिसें नखः चखःया झ्वः छुइगु कारणं थ्व नखःयात छगू विशेष नखः कथं हे कयातःगु दु । थ्व दिनंनिसें नेवाःतय्गु थीथी नखःचखः झ्वःलाक्क वइगु जूगुलिं गथांमुगः चःर्हेयात 'काय्मचा नखः नं धायेगु याः ।
(गथांमुगः खुन्हु बौ वायेत बौपाः न्याये मिइ यानाच्वंगु : किपा - सर्वज्ञरत्न तुलाधर)
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
