क्रमभंग याये फइ मखु

नर्मदेश्वर प्रधान

मुन्सी खलः । जिमि बाज्याया पाजु खलः । अनंगमान जज । जिमि बाज्याया पाजु । अनंगमान जज नेपालभाषाया नं थःगर्ुर् इया छम्ह च्वमि खः । मुन्सी धइगु जात वा थर मखु । परराष्ट्र स्वइगु कार्यालययात मुन्सीखाना धाइ । मुन्सीत अधिकांश राणाकालय् परराष्ट्र सेवाय् कार्यरत । उकिं इमित मुन्सी धाइ ।

डा. रामछायामान अमात्य । यलया नांजाःम्ह न्हाय्पं, कथुया डाक्टर । वय्कः अनंगमान जजया म्ह्याय्पाखेया छय् । छन्हु वय्कलं कोर्टपर्वया ख" न्ह्यथनी । छगू घटना खनी । अनंगमान जजया अबु उबलय्या भारदार । कोर्टपर्व । फुक्क भारदारतय्त कोटय् हाजिर जुइगु उजं बी । जंगबहादुरं कम्पोकोटय् वक्व फुक्कसित पाली । हिया खुसिबाः न्ह्याइ । तर अनंगमानया अबु हत्याकाण्डं बिसिउ" वने सफल जुइ । बचे जुइ । थ्व हे घटनायात लुमंकी । डा. अमात्यं मार्मिक ख"ग्वलं धाइ । "स्वइदिस" ! उबलय् कोर्टपर्वय् जजया अबुया हत्या जूगु खःसा थौं छि नं दइ मखुगु जुइ, जि नं दइ मखुगु जुइ ।"

ख" न्यने । गफ थें च्वनी । भचा बिचाः याये । यकिन जुइ । मखु, थ्व गफ मखु । थ्व तथ्य खः । गणितीय सत्य खः । अतिरञ्जना मखु । अनंगमान जजया अबु । वय्कःया मांया बाज्या । जिमि बाज्याया पाजुपाखेया बाज्या । वय्कः कोर्टपर्वया शिकार जूगु खःसा धात्थें डा. अमात्यया मां गन दइ । जिमि बाज्या गनं वइ । अले डा. रामछाया वइगु सम्भावना हे मंत । जि दइगु ख" हे जुइ मखुत । जजया अबु हा खः । कोर्टपर्वं उगु हा चफुनाः लिना बिउगु खःसा ! उकिया मा थौं कचामचा कयाः चकने मफइगु खः । भावी पुस्ता अजन्म जुइगु जुइ । डा. रामछायां धाःगु ख" जिगु न्ह्यपुइ चाःहिली । झी आजुबाज्या कोर्टपर्वय् लाःगुसा थौं छि नं दइ मखु अले जि नं दइ मखुगु जुइ ।

जि निष्कर्ष् वये । डा.साहेबया ख" फय्गं मखु । गुलिस्यां धायेफु । क्वपुलांगु ख" । जिमि बाज्याया नं बाज्याया ख" । स्वापू हे बुलुयाः सी मदयेधुंकूगु । सछिकु पायेधुंकूगु स्वापू । सुदूर विगतया । समसामयिक ख" ल्हानाः मब्याःबलय् पुलांपालांगु ख"य् दुनेगु निर्रथक । विलासिता । जि गम्भिर जुइ । जिगु अस्तित्व । कोर्टपर्वलिसे स्वाइ । जिं थःत कम्पोकोटय् खने । भयानक द्वन्द्व । काटामार । प्यखेरं प्रहार । जि भयभित । नुगःया धुकधुकिं गति काइ । सौभाग्यवश मृत्युया म्हुतुं जि बिसिउ" वने । जि सुरक्षित जुइ । जि बचे जुइ । कोटपवर्ं बालबाल बचे जूम्ह कोर्टपर्वं स्याये मफुम्ह थःत जिं भाग्यशाली पात्र खंके । ताःहाकः झसुकाः तये ।

नाटक मखु थ्व । अभिनय मखु । थ्व इतिहास खः । जिगु हाया । थ्वयात भावुकता धाये । किंवदन्ती तायेके । कपोलकल्पित तन्द्रा खंके । थःगु अस्तित्वप्रति अविश्वास यायेगु जुइ । कोर्टपर्वया इतिहास थौं जिं पुइके । ब्वने । भाग्यं बचे जूम्ह । जीवन्त दसु खंके जिं थःत । कोर्टपर्व काण्डय् जिमि बाज्याया बाज्या बिसिउ" वनी । अन्यथा जि अस्तित्वय् मवइगु जुइ । मतिइ लुइ । जिगु हा गुलि पुलां जुइ । विश्व ब्रम्हाण्डया सृष्टिनिसें गुलि एतिहासिक जोखिम, दैवीय प्रकोप, रोगब्याधिया महामारीं बचे जुयाः जि थन थ्यन जुइ । अस्तित्ववान जुल जुइ । च्वः थुइकेत स्वये । चिन्तनमनन याये । इतिहासया चिन्तन बौद्धिक विलासिता मखु । थःगु हा लुइकेत मनू थौं प्राग इतिहासकालय् नं वनी । आदिम युगया शयर याइ । कोर्टपर्व ला म्हिगःया तिनि ख" जुइ ।

ततःखागु दरवारत खनी । सलंसः रोपनी जग्गां चाहुकातःगु । जग्गात फुक्क जनतायागु खः । दरवारीत शक्तिइ वइ । महल दयेकेत जनताया जग्गा काइ । सित्तिकं । थौं छपी जग्गा कयाः करोडौं ध्यबां मी । गाडी गइ । मोजमज्जा याइ । मस्तय्त अमे-रिका बेलायतय् ब्वंके छ्वइ । दक्ष याइ । ततःधंगु पद ग्रहण याकी । राणा परिवारतय्के दुगु थौंया सफलता उमि वर्तमानया उपलब्धि मखु । कोर्टपर्वया वरदान जुइ । थौंया उमि विलासिता जंगबहादुर-या कोर्टपर्वया काटामारया आशिर्वाद जुइ । थौंयात दुग्यंक थुइकेत वर्तमानया हा कुलाः स्वये मालेयः । इतिहासया अनेक घटना दर्ुघटनातसें निर्ण्ाायक कारण जुयाः थौंयात आकार बी । अथेहे थौं कारण जुयाः भविष्यया लँ हिलाच्वनी ।

बाखं च्वयेबलय् आदि, मध्य, अन्तया ख" वइ । बाखंया शुरु बांलाः । बांमलाः । अन्त्य पाय्छि जू । मजू । बाखं न्यनाः थज्याःगु टिका टिप्पणी जुइ । तर यथार्थय् बाखंया अन्त तिफ्याये थाकु । जिन्दगीया शुरुवातया विन्दु गुगु खः । च्वका गय् लायेगु । हा गन खंकेगु । जीवन गन थ्यनाः अन्त जुइ । थौंया जीवनं अनन्त युगतक लिच्वः लाकेफु । इतिहास न्ह्याइ । छस्वाः जुयाः । थुकियात गय् त्वाःथलेगु - गय् कुचा यायेगु - कोर्टपर्व । जिमि बाज्याया बाज्याया पलायन । जि । जिगु वर्तमान छस्वाः खंके । क्रम दइ । थ्वयात कुचा थले थाकुइ । क्रमभंग याये फइ मखु ।

More Stories Like this