टपर विद्यार्थीया मोडेल
थुगुसीया एसएलसी जाँचय् नं बोर्ड फस्र्ट धाःगु नां पिकायेगु ज्या मजूगुलिं यक्व हे बांलात । मखुसा थुकिं यानाः अस्वस्थ प्रतिस्पर्धा जुयाः जनतायात झंगः लायेगु ज्या जक जुइगु खः । तर एसएलसीया अज्याःगु नांधलः पिकायेगु ज्या मयाःसां थीथी प्लस टु कलेजतय्सं धाःसा फलाना विद्यार्थी थुगुसीया 'टपर' धकाः नां पिकयाः विज्ञापन याना हयाच्वंगु दु । अज्याःपिं विद्यार्थीतय्त विज्ञापनया मोडेल दयेकाः छापे यानाः मेपिंत क्यनेगु ज्या याना हःगु दु । थाकैं न्हय् ला अथे यक्व नम्बर वःपिं विद्याथीर्तयत् लाखौं ध्यबा बियाः थःगु कलेजय् ब्वंकेगु धेंधेंबल्लाः यायेगु ज्या तकं जू धकाः बय्बय् हे जुयाच्वंगु दु । थुकिं यानाः शिक्षायात ला ब्यापार धकाःसा दयेका बिल । शिक्षायात व्यापार दयेकेगु ला पाय्छि मखु ।
थज्याःगु खँय् शिक्षा मन्त्रालयं अनुगमन यानाः मखुगु ज्या याईपंत कारवाही यायेमाः थें च्वं । मखुसा गुगु विकृतिं यानाः बोर्ड फस्र्ट प्रणाली हटे याःगु खः व ला हानं हानं लिहां वयाच्वनी ।
- सुनिल शाक्य, येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
