भजनया धर्म पासापिं
सम्पादकजु,
ज्ञानमाला भजन स्वयम्भुयात कयाः जिं यक्व हे थःगु बिचाःत प्वंके धुन । जिं गुलि नं च्वया छुं भेदभाव मतसे खालि द्वनाच्वंगु भिंके व बांलानाच्वंगु ज्यायात बांलाः धकाः सुभाय् देछाना । तर गुलिं गुलिं धर्मपासापिंसं छं थथे इलय् ब्यलय् पौ च्वयाच्वंगु साप बांलाः धकाः तारिफ यानाः पौ च्वयेगु दिके मते धकाः इनाप याइगु । अले गुलिस्यां थः हे भजन हालीम्ह जुयाः थम्हं तुं हे अथे च्वये मजिउ नं धाइगु । थौं नं जितः लगे जुयाच्वंगु छुं खँत थन च्वयाच्वना । भजन हालादीपिं सकल धर्म पासापिं दकलय् न्हापां झी छगू ढिक्का जुइगु निं कुतः यायेमाल । थम्हं यानागु जक ठीक जू मेपिंसं याःगु ठीक मजू धइगु मनय् तये मजिल । अले हार्मोनियम थाईपं धर्म पासापिं थः थम्हं तुं वाह वाह धकाः मनय् तये मजिल । थ्व ला भजन न्यनीपिं भक्तजनिपं व भजन हालादीपिं भजनप्रेमितय्सं धाइगु खँ खः । अले हार्मोनियम थानाः भजन हाला- दीबलय् दक्वस्यां हाले सःगु लसय् हालादीसा भजन हालीपिंत व न्यनीपिंत बांलाइ । खालि याकःचां जक हाले सःगु हालामदीसा बेस जुइ ला ?
- कृष्णमान डंगोल,
मखंगल्लि तुन्छेबहाः, येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
