मृत्यु दण्ड हे बीमाः
झी नेपाःमि जनताया छम्ह म्ह्याय्मचा मय्जु ख्याती श्रेष्ठयात हत्या यानाः वयागु शरीरया अंग अंगत टुक्रा टुक्रा यानाः विभिन्न थासय् कुर्काः जघन्य अपराध याःम्ह वीरेन श्रेष्ठ प्रधानयात मृत्यु दण्ड हे बीमाः धयागु जिमिगु धारणा दु । व थेंज्याःम्ह क्रुर दानवयात थ्व मानव म्वाइगु समाजय् म्वायेगु छुं हे अधिकार मदु । वं ला अझ जेलं पिहां वयेधुंकाः दकलय् न्हापां हे थःयात पक्राउ याःपिं प्रहरीतय्त गोलीं कयेकाः स्याना बी धकाः धम्की बिउगु दु । वं व प्रहरीयात गोलीं कयेके धुंकाः दोश्रो निशाना सुयात दयेकी अवश्य नं ख्यातीया मां बा परिवारयात निशाना दयेकाः हत्याया प्रयास यायेफु । उकिं अज्याःम्ह मनूपाखें हानं मेम्ह मनूया हत्या जुइकेगु खः लाकि आः हे वयागु किस्सा तमाम यायेगु खः व जीवित जुयाच्वंत्तले ख्यातीया आत्मायात शान्ति दइ मखु । अले ख्यातीया परिवारयात नं चैन दइ मखु । वं छुं याः वइ ला धकाः आतंकित जुयाः म्वाये मालाच्वनी । उकिं वयात मृत्यु दण्ड बियाः समाप्त हे याना छ्वयेमाः । मृत्यु दण्ड बीगु लागिं कानून संशोधन यायेमाःगु खःसा संशोधन यानाः जूसां वयात मृत्यु दण्ड बीमाःगु दु । वयात बीगु सजाँय धइगु थ्वहे खः ।
अरुणा श्रेष्ठ, बीना अमात्य व पासापिं
बालाजु येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
