जितः म्हसिउ ला
सम्पादकजु,
जि सु खः ? छिमिसं म्हमसिउला ?
माकःतन्त्रया कुशल नेता जि हे छम्ह मखुला ?
बःचाहाकलं जितः मा.कु. ने. धायेगु मखुला ?
चुनावय् जनतां बुका बिउसां जित छुं पाः ला ?
अझ गुलिसिनं धाइ जितः मा. कु.
खंके फ हे मफु इमिसं जिगु मनया हाकु
अथे हे गुलिसिनं धाइ जितः मा.ने.
इमित हे जिं दयेका थहां वनेगु स्वाहाने
धा धा जितः मा. कु., वा मा.ने.
द्वंचिंकेफु जिं फुक्क समस्या नं ध्याकुनय्
भगवानया वरदानं जि थ्यन तज्जाःगु आशनय्
मछाः हे मजुसे ल्हानाच्वना जिं मखुगु खँ
नं भाषणय्
लाति-पाकः बागलि-ग्वाज्यः न्ह्याबलें या
छिमिसं कण्ठ
थौं जिगु भाग्यं जुया वये धुन छिमि द्यः
'निलकण्ठ'
ब्रम्हदेव 'प्रदीप'
ओकुबहाल यल-६
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
