सान फ्रान्सिस्कोय् लाखय्
म्हिगःनिसें सं.रा. अमेरिकाया सान फ्रान्सिस्को शहरय् न्ह्याःगु एएनए (एसोशिएसन अफ नेप्लिज इन दि अमेरिकाज) सम्मेलनय् थनया नेवाः खलःपाखें लाखय् प्याखं लगायत नेवाःतय्गु थीथी बाजं व प्याखं न्ह्यब्वयाः नेवाःतय्त गौरवान्वित यानाब्यूगु दु । उगु खलकं म्हिगः ज्याझ्वःया उलेज्या खुन्हु लाखय् प्याखंया झाँकी व नेवाः हुलाप्याखं न्ह्यब्वःगु खःसा थौंया ज्याझ्वलय् नं झाँकी व प्याखं न्ह्यब्वःगु खः ।
म्हिगः जूगु उलेज्याझ्वलय् लाखय् प्याखंया झाँकीं यक्व दर्शकतय्गु नुगः साःगु खःसा नेवाःतय्गु लाखय् प्याखं, भैलः प्याखं व धिमय्या झाँकिलिसे सुरु जूगु थौंया सांस्कृतिक ज्याझ्वलय् नं नेवाः बाजं व प्याखंया प्रस्तुति दर्शकतय्सं गाक्कं ययेकूगु खनेदत । म्हिगः व थौंया ज्याझ्वलय् नेवाः संस्कृतिया प्रतिनिधि कथं झाँकि बाहेक वज्रयोगिनी चचा प्याखं, लाखय् प्याखं, 'राजमति वा' व 'घन्टाघरया क्वय्' म्ये बोलया प्याखं क्यंगु खः ।
सन् १९९३ स स्थापना जूगु नेपाः खलः क्यालिफोर्नियां थन थीथी कथंया ज्याझ्वः न्ह्याकाच्वंगु दु । थ्व इलय् विशेष यानाः नेवाःतय्त संगठित यायेगु ज्याझ्वः न्ह्याका च्वनागु खँ खलःया नायः राजेश श्रेष्ठजुं नेपालमण्डलयात कनादिल ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
