न्हूपिं नेपालभाषा प्राध्यापकपिन्त हन

नेपालभाषा केन्द्रीय विभागया ग्वसालय् थौं विभागया सिद्धिदास कक्षय् सह-प्राध्यापकय् नियुक्त जूपिन्त छगू ज्याझ्वःया दथुइ हनेगु ज्या जुल । डा. तुयुबहादुर महर्जन, डा. चन्द्मान बज्राचार्य, जनक नेवाः, सृजना प्रधान, मदनसेन बज्राचार्य, ओमकारेश्वर श्रेष्ठ, तुलसीलाल सिंह व भुषण प्रसाद श्रेष्ठ यानाः मुक्कं च्याम्ह उप-प्राध्यापकिपं सह-प्राध्यापकय् नियुक्त जूगू खः ।

ज्याझ्वलय् त्रिभुवन विश्वविद्यालय अनुदान आयोगया अध्यक्ष कमलकृष्ण जोशी, प्रा. केदारभक्त माथेमा, संस्कृतविद् सत्यमोहन जोशी नापं थीथी व्यक्तित्विपंसं सह-प्राध्यापकय् नियुक्ति जूगुलिं भिन्तुना देछासें अनुसन्धान ज्याय् विशेष ध्यान बीमाःगु खँ धयादीगु दु । ज्याझ्वलय् संस्कृतविद् सत्यमोहन जोशी खादागा क्वखाय्केगु व नेपालभाषा केन्द्रीय विभागया नायः प्रा. प्रेमशान्ति तुलाधरं स्वां व सिन्हः तिकाः हंगु खः ।

More Stories Like this