कासाया लिउने विज्ञापन माल
नेपालभाषाया न्हिपौ 'सन्ध्या टाइम्स' या नेपालभाषाया पत्रकारिता ख्यलय् तःधंगु योगदान दु । थुकी दुथ्याइगु बुखँ व लेख अले छपाई न्हापा सिबें स्तरीय जुया वःगु खनेदु ।
न्हिपौया मेगु विशेषता धइगु शुक्रवाःया तँसापौ चाकःलि पांपां नं खः । ख ला थ्व तँसापौ मस्तय्गु लागिं खःसांतबि थ्व ल्याय्म्ह ल्यासे अले बुराबुरी सकस्यां ययेकूगु खनेदु । तर थुकी दुथ्याःगु क्वथाकासा नां लुइके कासा व अन्ताक्षरि कासा जायेकाः धेंधेंबल्लाखय् धाःसा दुथ्याके हे मफया च्वन । छाय्धाःसां कासा जायेकाः आमकन छ्वया हयेबलय् उकिया लिउने च्वंगु लेख बाखंत नं किटंगय् लाइ । थज्याःगु कासाया लिउने विज्ञापन वा छुं नं सुचं लाका बिउगु खःसा सकस्यां धेंधेंबल्लाखय् दुहां वने दइगु खः । अझ छखे बछि पेजय् न्हूगु कासा न्ह्यसःत तयाः थ्याक्क उकिया लिउनेया पेजय् न्हापाया लिसः व लिसः बिउपिनिगु नां छापय् याना बिल धाःसा पाय्छि जुइला धइथें जितः ताः । थुकी सम्पादकया बिचाः छु दुथें सुभाय् ।
- पालिजा साय्मि,
कालिमाटी येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
