कवि दुर्गालाल छिन्नलता विशेष सम्मानं सम्मानित
जुजुमान महर्जन
जनकवि दुर्गालाल श्रेष्ठयात थौं छगू समारोहया दथुइ संस्कृति मन्त्री डा. मिनेन्द्र रिजालं विसं २०६५ सालया छिन्नलता विशेष सम्मान पुरस्कार पाखे सम्मानित यानादिल । उगु विशेष सम्मान सिरपालय् नीद्वः तका व हनापौ दुगु खः ।
छिन्नलता गीत पुरस्कार गुथिपाखे याःगु ज्याझ्वलय् गीत रचनाय् उन्नति बोहरा शिला संगीतय् शीला बहादुर मोक्तान, गायनय् रामकृष्ण ढकाल व नव प्रतिभा विधाय् डम्बर नेपालीयात २७ औं छिन्नलता गीत पुरस्कार ब्यूगु खः । उगु ज्याझ्वलय् नगद सिरपाः नापं हनापौ बियाः सम्मान याःगु खः ।
म्ये हालामि रामकृष्ण ढकाल ज्याझ्वः विशेषं पिने लानाच्वंगु हुनिं वयकःया तिरीमय्जु नीलम ढकालं सिरपाः लःल्हाना कयादीगु खः । गीतकार उन्नति बोहराया म्येय् माण्डवी त्रिपाठी, कुन्ति मोक्तानं म्ये हालादीगु खःसा नवप्रतिभाया पुरस्कार कयादीम्ह डम्बर नेपालीं नं म्ये हालादीगु खः । उगु ज्याझ्वलय् मूपाहां संस्कृति मन्त्री डा. मिनेन्द्र रिजाल म्ये च्वमि उन्नति बोहरां थःथःगु नुगः खँ प्वंकादीगु खःसा जनकवि दुर्गालाल श्रेष्ठं कविता पाठ यानादीगु खः । ज्याझ्वलय् संगीत लागाया आपालं हनेबहःपिं झायादीगु खः । थुगु सिरपाः २०३९ सालंनिसें बिया वयाच्वंगु खः ।
Related Stories
झमकयात मदन पुरस्कार, दुर्गालालयात जगदम्बा जनकवि दुर्गालालया दुर्गालालयात सूर्योदय स्रष्टा सम्मानMore Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
