अन्तर स्कूल कविता कासाय् छझाः
पुष्परत्न ताम्राकार 'स्वीटहर्ट'
वंगु नेपाल संवत ११२९ तछलागा द्वादशि २०६६ जेठ ६ गते संचवाःकुन्हु नेपालभाषा मिसा खलःया ग्वसालय् मोतिलक्ष्मी उपासिकाया सछिदँ बुदिंया लसताय् 'अन्तर माध्यमिक कविता धेंधेंबल्लाः कासा' न्ह्यइपुक हे क्वचाल । मू पाहांकथं नेपालभाषा मिसा खलःया संरक्षिका एवं कवयित्रि मय्जु नारायणदेवी श्रेष्ठ पाहां कथं नेपालभाषा परिषदया नायः भाजु फणिन्द्ररत्न बज्राचार्य झाःगु खःसा ल्यज्या पुचलय् भाजु पुष्परत्न तुलाधर व भाजु माधव मूल अले सभानिकंलय् नेपालभाषा मिसा खलःया निकं मय्जु मंगला कारंजितया निकंसुइलय् प्रदीप्त पुस्तकालयया दबुलीसं न्ह्याःगु खः । अले ज्याझ्वः सुथां लाकाः ताःलाकेत मू छ्यााजे मय्जु प्रेमहिरा तुलाधरं ज्याझ्वः न्ह्याकादीगु खः ।
थुगु धेंधेंबल्लाः कासाय् थीथी ब्वनेकुथिया केहेँ किजापिंसं ब्वति कयाः थःथःपिनिगु कवितात ब्वनाः न्यंकूगुलि तसकं झःझः धायाः ताःलाःसां ज्याझ्वः न्ह्यानां तुं च्वंबलय् लोडेशेडिङया हुनिं मत वंगुलिं धाःसा तसकं म्हाइपुका बिल । साक्क सवाः कयाः जा नया च्वनाबलय् आकाझाकां फि न्ह्यः थें जुया बिल । गुकिं यानाः ज्याझ्वः भचा फ्यासुया वं थें महसुस जुयावल थुगु पंक्तिया च्वमियात । छाय्धाःसां मत मदुगुलिं माईकया सः ला न्यने मदइगु ख हे खत । गुकिं यानाः केहेँ किजापिंसं ब्वंगु कवितात ताये हे मंत । अप्वःसिया सः नं तसकं चिसः जूवंगुलिं लिउने च्वंपिंसं ला छु ब्वंगु छु ब्वंगु जुयाः थु हे मथू धाःसां जिउ । न्ह्याक्व हे न्ह्यःने च्वं वंसां कविता च्वंगु पां मथुयाः गुलि कविताया सवाः दयेमाःगु खः उलि मदयाः फाकुसे च्वनाः तसकं म्हाइपुया वल । धाथें धायेगु खःसा थ्व पंक्तिया च्वमियात हीमी हे चायेकाबिल । वास्तवय् छु न्यनेगु तातुनाः वयागु खः वहे बांलाक न्यने मखनीबलय् अथे हीमी चाः वनीगु ला स्वाभाविक हे जुल । थनथाय्लाक ग्वसाः खलःया ब्यवस्थापन पक्षय् कमि कमजोरी गाक्कं खने दत । छाय्धाःसां थौंकन्हय् लोडशेडिङ जुयाः ई ब्यः मदयेक मत स्याना हयाच्वनीगु इलय् मतयागु जक भरय् मच्वँसे न्हापां तुं ब्याट्री वाय् ल्हातं ज्वनेगु माइक हाय्ण्ड माइक या ब्यवस्था याना तयेमाःगु खः । गन मजीक गन त्यल अन ब्यवस्था यानां जी मखु । न काचाक्क सुनां बी न सुं हे नापलाइ । अथे नापलाइ धइगु छुं धाये मफु । धायेम्वायेक अथे हे ला जुल । खय्त ला छुं जी ला धकाः मोबाइलपाखें कुतः नं याःगु खः तर ब्यर्थ जक जुयाः कुतः ताःलाके मफुत । बरु ज्याझ्वः क्वचाइ थें क्वचाइ थें च्वंक अर्थ हे मदयेक मत वल । छगू ला अनया लकस स्वयेबलय् ला माइक दःसां उलि गति मलाः थें तायावल । छाय्धाःसां मत वनीबलय् नं माइकं न्ववाःसां उलि सः त्याजिक पिज्वयाच्वंगु खने मदु । भचा पां हे थुइके थाकु । न माइक तसकं चिग्वयाः जकं खःला उकिं थज्याःगु इलय् छुं कथंया ज्याझ्वः यायेबलय् मतयागु भरय् जक थाय् बिउपिनिगु जक भरय् मच्वँसें दकलय् न्हापां ब्याट्री हाय्ण्ड माइकया ब्यवस्था यासें अन तयातःगु माइक स्पीकर पाय्छि जुयाच्वंगु दु लाकि मदु उकिया नं क्ववाला स्वयेमाः थें च्वं । थज्याःगु खँय् लिज्ञां कयाः च्वनेफत धाःसा उकथंया समस्या पंगःत वइ मखु धइगु तायेकाच्वना । भलसा काये नेपालभाषा मिसा खलकं थन जक मखु मेथाय् गनं ज्याझ्वः याइबलय् थज्याःगु खँय् वाःचायेकी ।
थीथी ब्वनेकुथिइ ब्वनीपिं किजा केहेँपिंत सफूया ज्ञानया लिसें लिसें बौद्धिक ज्ञान आपालं आपाः माः । ब्वं जक ब्वनां मजिउ । थीथी इलय् थज्याःगु कविता बाखं च्वखँ आदित च्वकाः ब्वति कायेका यंके फःसा उमिगु बौद्धिक ज्ञान थपू जुया वनीसा मेखे मांभाय् प्रति मन क्वसाः वंसें साहित्य प्रति नं च्वसा न्ह्याः वनी । उकिं इलय् ब्यलय् थज्याःगु कासा गोष्ठी उमिगु निंतिं नं याना यंकेमाः । छाय्धाःसा उपिं भविष्यय् थिना वईपं नगुत खः । देय् व भाय्यात थपू याना यंकीपिं स्यल्लाःगु थांत खः । थज्याःगु ज्याझ्वः नेपालभाषा मिसा खलकं जक मखु मेमेगु संघ संस्थातय्सं नं याना यंकेमाः । खतुं न्हापा छक्वः ईलोहं प्रकाशन व यलया मांभाय् पुचलं नं थथे हे धेंधेंबल्लाः ज्याझ्वः यायेधुंकूगु थन लुमंकेबहः जू । थथे याना वनेबलय् च्वये मसःपिं ब्वनेकुथिया केहेँ किजापिंत नं च्वयेगुली न्ववायेगुली हःपाः व तिबः बिउ वनीसा च्वयेगुली ब्वनेगुली प्रतिभा दःसां लिकुनाच्वंगु बुलुहुँ खने दया वइ । अले प्यम्ह मनूया न्ह्यःने न्ववाये माल धाःसां भ्याः भचा हे ग्याःचिकु मवयेक निर्धक्कं न्ववाये फइ धइगु थुगु पंक्तिया च्विमं तायेकाच्वना ।
थौं गुगु मोतिलक्ष्मी उपासिकाया सछिदँ बुदिंया लसताय् न्हापांगु अन्तर माध्यमिक कविता धेंधें बल्लाः न्ह्यात व तसकं बांलानाः च्वछायेबह जू । उकिं दुनुगलंनिसें लसकुस यासें नेपालभाषा मिसा खलः व उकिया सकल हनेबहिपं जःपिंत मनय् चकंक स्वां ह्वयेकाः सुभाय् देछायाच्वना । थथे हे लिपा लिपा नं याइ धइगु भलसा नं कयाच्वना । नेपालभाषा मिसा खलकं थीथी इलय् थीथी ज्याझ्वः याना वयाच्वंगुयात न्ह्याबलें हनाबना तयाच्वना । अन्तय् मोतिलक्ष्मी उपासिकाया सछिदँ बुदिंया लसताय् निपासः श्रद्धाञ्जली नं देछायाच्वन ।
पुष्परत्न ताम्राकार 'स्वीटहर्ट'
वंगु नेपाल संवत ११२९ तछलागा द्वादशि २०६६ जेठ ६ गते संचवाःकुन्हु नेपालभाषा मिसा खलःया ग्वसालय् मोतिलक्ष्मी उपासिकाया सछिदँ बुदिंया लसताय् 'अन्तर माध्यमिक कविता धेंधेंबल्लाः कासा' न्ह्यइपुक हे क्वचाल । मू पाहांकथं नेपालभाषा मिसा खलःया संरक्षिका एवं कवयित्रि मय्जु नारायणदेवी श्रेष्ठ पाहां कथं नेपालभाषा परिषदया नायः भाजु फणिन्द्ररत्न बज्राचार्य झाःगु खःसा ल्यज्या पुचलय् भाजु पुष्परत्न तुलाधर व भाजु माधव मूल अले सभानिकंलय् नेपालभाषा मिसा खलःया निकं मय्जु मंगला कारंजितया निकंसुइलय् प्रदीप्त पुस्तकालयया दबुलीसं न्ह्याःगु खः । अले ज्याझ्वः सुथां लाकाः ताःलाकेत मू छ्यााजे मय्जु प्रेमहिरा तुलाधरं ज्याझ्वः न्ह्याकादीगु खः ।
थुगु धेंधेंबल्लाः कासाय् थीथी ब्वनेकुथिया केहेँ किजापिंसं ब्वति कयाः थःथःपिनिगु कवितात ब्वनाः न्यंकूगुलि तसकं झःझः धायाः ताःलाःसां ज्याझ्वः न्ह्यानां तुं च्वंबलय् लोडेशेडिङया हुनिं मत वंगुलिं धाःसा तसकं म्हाइपुका बिल । साक्क सवाः कयाः जा नया च्वनाबलय् आकाझाकां फि न्ह्यः थें जुया बिल । गुकिं यानाः ज्याझ्वः भचा फ्यासुया वं थें महसुस जुयावल थुगु पंक्तिया च्वमियात । छाय्धाःसां मत मदुगुलिं माईकया सः ला न्यने मदइगु ख हे खत । गुकिं यानाः केहेँ किजापिंसं ब्वंगु कवितात ताये हे मंत । अप्वःसिया सः नं तसकं चिसः जूवंगुलिं लिउने च्वंपिंसं ला छु ब्वंगु छु ब्वंगु जुयाः थु हे मथू धाःसां जिउ । न्ह्याक्व हे न्ह्यःने च्वं वंसां कविता च्वंगु पां मथुयाः गुलि कविताया सवाः दयेमाःगु खः उलि मदयाः फाकुसे च्वनाः तसकं म्हाइपुया वल । धाथें धायेगु खःसा थ्व पंक्तिया च्वमियात हीमी हे चायेकाबिल । वास्तवय् छु न्यनेगु तातुनाः वयागु खः वहे बांलाक न्यने मखनीबलय् अथे हीमी चाः वनीगु ला स्वाभाविक हे जुल । थनथाय्लाक ग्वसाः खलःया ब्यवस्थापन पक्षय् कमि कमजोरी गाक्कं खने दत । छाय्धाःसां थौंकन्हय् लोडशेडिङ जुयाः ई ब्यः मदयेक मत स्याना हयाच्वनीगु इलय् मतयागु जक भरय् मच्वँसे न्हापां तुं ब्याट्री वाय् ल्हातं ज्वनेगु माइक हाय्ण्ड माइक या ब्यवस्था याना तयेमाःगु खः । गन मजीक गन त्यल अन ब्यवस्था यानां जी मखु । न काचाक्क सुनां बी न सुं हे नापलाइ । अथे नापलाइ धइगु छुं धाये मफु । धायेम्वायेक अथे हे ला जुल । खय्त ला छुं जी ला धकाः मोबाइलपाखें कुतः नं याःगु खः तर ब्यर्थ जक जुयाः कुतः ताःलाके मफुत । बरु ज्याझ्वः क्वचाइ थें क्वचाइ थें च्वंक अर्थ हे मदयेक मत वल । छगू ला अनया लकस स्वयेबलय् ला माइक दःसां उलि गति मलाः थें तायावल । छाय्धाःसां मत वनीबलय् नं माइकं न्ववाःसां उलि सः त्याजिक पिज्वयाच्वंगु खने मदु । भचा पां हे थुइके थाकु । न माइक तसकं चिग्वयाः जकं खःला उकिं थज्याःगु इलय् छुं कथंया ज्याझ्वः यायेबलय् मतयागु भरय् जक थाय् बिउपिनिगु जक भरय् मच्वँसें दकलय् न्हापां ब्याट्री हाय्ण्ड माइकया ब्यवस्था यासें अन तयातःगु माइक स्पीकर पाय्छि जुयाच्वंगु दु लाकि मदु उकिया नं क्ववाला स्वयेमाः थें च्वं । थज्याःगु खँय् लिज्ञां कयाः च्वनेफत धाःसा उकथंया समस्या पंगःत वइ मखु धइगु तायेकाच्वना । भलसा काये नेपालभाषा मिसा खलकं थन जक मखु मेथाय् गनं ज्याझ्वः याइबलय् थज्याःगु खँय् वाःचायेकी ।
थीथी ब्वनेकुथिइ ब्वनीपिं किजा केहेँपिंत सफूया ज्ञानया लिसें लिसें बौद्धिक ज्ञान आपालं आपाः माः । ब्वं जक ब्वनां मजिउ । थीथी इलय् थज्याःगु कविता बाखं च्वखँ आदित च्वकाः ब्वति कायेका यंके फःसा उमिगु बौद्धिक ज्ञान थपू जुया वनीसा मेखे मांभाय् प्रति मन क्वसाः वंसें साहित्य प्रति नं च्वसा न्ह्याः वनी । उकिं इलय् ब्यलय् थज्याःगु कासा गोष्ठी उमिगु निंतिं नं याना यंकेमाः । छाय्धाःसा उपिं भविष्यय् थिना वईपं नगुत खः । देय् व भाय्यात थपू याना यंकीपिं स्यल्लाःगु थांत खः । थज्याःगु ज्याझ्वः नेपालभाषा मिसा खलकं जक मखु मेमेगु संघ संस्थातय्सं नं याना यंकेमाः । खतुं न्हापा छक्वः ईलोहं प्रकाशन व यलया मांभाय् पुचलं नं थथे हे धेंधेंबल्लाः ज्याझ्वः यायेधुंकूगु थन लुमंकेबहः जू । थथे याना वनेबलय् च्वये मसःपिं ब्वनेकुथिया केहेँ किजापिंत नं च्वयेगुली न्ववायेगुली हःपाः व तिबः बिउ वनीसा च्वयेगुली ब्वनेगुली प्रतिभा दःसां लिकुनाच्वंगु बुलुहुँ खने दया वइ । अले प्यम्ह मनूया न्ह्यःने न्ववाये माल धाःसां भ्याः भचा हे ग्याःचिकु मवयेक निर्धक्कं न्ववाये फइ धइगु थुगु पंक्तिया च्विमं तायेकाच्वना ।
थौं गुगु मोतिलक्ष्मी उपासिकाया सछिदँ बुदिंया लसताय् न्हापांगु अन्तर माध्यमिक कविता धेंधें बल्लाः न्ह्यात व तसकं बांलानाः च्वछायेबह जू । उकिं दुनुगलंनिसें लसकुस यासें नेपालभाषा मिसा खलः व उकिया सकल हनेबहिपं जःपिंत मनय् चकंक स्वां ह्वयेकाः सुभाय् देछायाच्वना । थथे हे लिपा लिपा नं याइ धइगु भलसा नं कयाच्वना । नेपालभाषा मिसा खलकं थीथी इलय् थीथी ज्याझ्वः याना वयाच्वंगुयात न्ह्याबलें हनाबना तयाच्वना । अन्तय् मोतिलक्ष्मी उपासिकाया सछिदँ बुदिंया लसताय् निपासः श्रद्धाञ्जली नं देछायाच्वन ।
More Stories Like this
जातीय संघीयताया खँय् नेमकिपा प्राडो, पाजेरो ब्वाकेगु ख्यः मखु राष्ट्रपति प्रणाली बारे विवाद नेवाःतय्त जागृत याइगु 'नेपाःमिया नुगः सः' खँ स्वनिगःया
