चलचित्र महोत्सव-३

विजयरत्न असंबरे

नेपाली फिल्म ख्यलय् जुइगु सिरपाः ज्याझ्वः विवादय् तक्यनीगुलिं यानाः गुलिखे फिल्म अवार्ड ज्याझ्वः तनावनेधुंकल । तर नेपाली फिल्म ख्यलय् ज्याः याईपं प्राविधिक टेक्निशियन तय्गु संस्था नेपाल चलचित्र प्राविधिक संघं वःदँ न्ह्यव न्ह्याकूगु फिल्म फेस्टिभल व अवार्ड ज्याझ्वः धाःसा लगातार स्वदँ तक न्ह्याकाः दसुया रुपय् न्ह्यःने वयेत ताःलाःगु दु । थुगुसी स्वक्वःखुसी न्ह्यानाच्वंगु नेपाली फिल्म फेस्टिभलयात ग्वसाः खलकं 'चलचित्र महोत्सव ३' धकाः नां छूगु दु । दिल्लागा ६ खुन्हु बहनी उलेज्या जूगु थुगुसीया महोत्सवय् वि.स. २०६५ दुने सेन्सर पास जुयाः स्वकुमितय् न्ह्यःने वःगु नीन्हय्गू २७ खस भाय्या फिल्म दथुइ धेंधेंबल्लाः जुइत्यंगु दु । थुगुसीया महोत्सव थन चावहीया गोपीकृष्ण हलय् जुयाच्वंगु दु । निवाःयंकं जुइगु महोत्सवय् फिल्म क्यनेज्या क्वचायेधुंकाः उकिया निवाः दुने सिरपाःया निंतिं धेधेंबल्लाय् लानाच्वंगु 'टप फाइभ नोमिनेशन'या धलः पित बीगु ग्वसाः दुगु खँ ग्वसाः खलःया कजि सन्तु तामाङ भाजुं कनादिल ।

सिरपाःया वितरणया निंतिं वरिष्ठ कलाकार व च्वमि मोहन निरौला वरिष्ठ क्यामेराम्यान जावेद शाह पर्यटन व्यवसायी विश्वेष श्रेष्ठ चलचित्र पत्रकार संघया अध्यक्षँ शान्तिपि्रय व वरिष्ठ पत्रकार रुपं निर्देशक बिजयरत्न तुलाधर निर्णायकया रुपय् क्वःछिना तःगु दु । थ्व महोत्सवय् सिलसिला मिस्टर डन पाउजु पापी मान्छे : २ मिशन लभ ईन सिक्किम हाम्रो मिलन कहिले हुन्छ म तिमी बिना मरिहाल्छु मौसम साना संसार मिस्टर मंगले सुन्दर मेरो नाम को होला मेरी मायालु नसिब आफ्नो जिन्दगी तिम्रो मायामा गोर्खा रक्षँक घायल सन्देश जय शिव शंकर जनयुद्ध मृत्युञ्जय देशदेख विदेश गिरफ्तार इतिहास खलनायक सहारा व इन्साफ दथुइ धेंधेबल्लाः जुइत्यंगु दु ।

मुक्कं स्वीगू विधाया सिरपाः बीगु थ्व ज्याझ्वलय् मेमेगु रेगुलर विधाया नाप नापं 'सर्वश्रेष्ठ नव निर्देशक'या सिरपा नं तया छगू न्हूगु पह बीगु कुतः यानातःगु दु । दकलय् न्हापांखुसी 'सावधान' फिल्मया निंतिं दिनेश डि.सि. थ्व सिरपाः त्याकल । निक्वःगु खुसी थगुने 'मर्यादा'पाखें श्याम भट्टराई नं थ्व सिरपा यंकल । थुगुसी 'सानो संसार' या आलोक नेम्बाङ 'तिम्रो मायामा'या राजेश विश्वकर्मा 'नसिब आफ्नो'या विकास आचार्य 'जनयुद्ध'या विमल पौडेल 'देशदेखि विदेश'या नरेन्द्र थापा 'साहारा'या रजजित रानामगर 'इतिहास'या उद्धव अविदित दथुइ न्हूम्ह निर्देशकया सिरपाया निंतिं धेंधेंबल्लाः जुयाच्वंगु दु ।

ग्वसाः खलःया महासचिव मनोज के.सी. भाजुं जानकारी बियादी कथं थुगुसी नव नायक व नव नायिका सिरपाः त्याकीपिं हिरो व हिरोईनयात इमामीया फेयर एण्ड ह्याण्डसमपाखें नगद सिरपाः नं बीगु जूगु दु । उकिया नापनापं दच्छिया निंतों ब्रान्ड एम्बेसडर नं दयेकीगु ग्वसाः जुयाच्वंगु दु ।

More Stories Like this