भजनयात छगू सुझाव

नुगलय् थानाच्वंगु छता खँ धाये मास्ते वयाः थ्व पौ च्वयाच्वना । जिथाय् त्वालय् नं स्वयम्भु ज्ञानमाला भजन यात । उकिया निंतिं जिगुपाखें भजन खलःयात यक्व यक्व सुभाय् बियाच्वना । व भजनया बारे छकूचा खँ च्वयाच्वना । उकी भजन हालादीम्ह दाईया सूर मिले जूसा बांलाइगु खः । तर तबला थानादीम्ह दाईया सूर मिले मजू । अय् जूगुलिं सूर मिले यानाः हालादीत इनाप यानाच्वना । अथे जूसा यक्व हे बांलाइ । तबला थानादीम्ह व हारबिन थानादीम्ह दाईपिनि सूर मिले जूसा यक्व हे बांलाइगु खः । दकलय् लिपा तबला थानादीम्ह दाईयागु सूर धाःसा यक्व हे बांलाः । तर वय्कःयात निपु स्वपु म्येय् जक तबला थाकादिल । स्वयम्भु ज्ञानमाला भजनया नायः आदि लगायतया पदाधिकारीपिंसं थुखेपाखे नं बिचाः यानाः थाय्थासय् भजन हालेगु व्यवस्था यानादिल धाःसा तसकं बांलाइ धकाः मनय् दुने च्वंगु खँ कनाच्वना ।

- चक्रबहादुर धाख्वाः, लखंगख्यः यल ।

More Stories Like this