धर्म यानाः पुण्य कमे याये
सम्पादकजु,
स्वयम्भू धर्म पासा पुचःपाखें न्ह्याका वयाच्वंगु बुद्धपूजा वंगु जेठ ३० गते सनिवाः कुन्हु सुवर्णछत्रपुरं विहारं लुभुइ जुल । उकी जिगु पिरंवारं नं दुथ्याःगु खः । सछि व स्वम्हेसियां ब्वति काःगु उगु ज्याझ्वलय् ब्वति काये खनाः थःत थम्हं भाग्यमानी तायेकाः । बसं कुहां वःलिसें हे लुभुइ च्वंपिंसं जिपिं सकसितं लसकुस यानाः मन त्याकादिल ।
नापं अन यायेमाःगु थीथी कथंया तयारीं ज्यायात नं लुँभुबासीतय्सं बांलाक हे ग्वाहालि याःगु खः । उकथं अन वंपिं सकसितं अपुकेगु कथं ग्वाहालि जूगुलिं लुँभुबासीतय्त आपालं आपा सुभाय् देछायाच्वना । अन नकतिनि हे जक विहारं दयेकाः छगू तल्ला नापं नकतिनि जक तयारं जूगु खः । अन मेमेगु थप ज्या नं न्ह्याकाच्वंगु दु । उगु ज्यायात भचा जक जूसां तिबः बीगु मतिइ तयाः अन झाःपिं धर्म पासापिं जानाः झिद्वः व खुसः तका दां ग्वाहालि नं यानादिल । थ्व विहारं दयेकेत पुवंका बीगु छलपोल छिकपिनि ग्वाहालिं यानाः पुण्य कमे यानादीगु इच्छा दुसा ज्ञानमाला भजन स्वयम्भूया पुलांम्ह उपाध्यक्ष पुण्य शाक्यजुयात स्वापू तयादीसां जिउ । वय्कःयात ४-२५६१२० नम्बरंय् फोन यानाः दिउसां जिउ । अले लय् लय् पतिकं विहारं विहारंय् वनाः अनं पिरं-यत्ति शिक्षा कयाः ब्वनाः च्वनादीपिं नचाःपिं केहेँ किजापिंत जलपान व भोजन याकाः बुद्धपूजा न्ह्याकाच्वंगु नं तसकं हे बांलागु ज्या खः ।
बुद्धपूजाय् झायाः धर्मय् चेतना दुपिसं नं थः थःगु कथं फुगु चाःगु ग्वाहालि याये खंगु नं पुण्यया हे ज्या खः । गुलिस्यां कापी गुलिस्यां सफू गुलिस्यां च्वसा नं देछानादीगु खः । अझ नगीना केसी नांयाम्ह छम्ह केहेँ मय्जुं ला तसकं मन क्वसायेकाः छबोरां जाकि हे दान यानाः बिहारंयात ग्वाहालि यानादिल । थज्याःगु भिं चित्त दक्वसियां जुइमाः धकाः कामना यानाः स्वयम्भू धर्मपासा पुचःया ज्यासनामि दक्वसितं सुभाय् देछानाच्वना ।
कृष्णमान डंगोल,
मखं गल्ली तुन्छेबहाः येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
