नेहरुयात हाकुगु ध्वाँय् क्यंपिं मिस्त सु सु खः ?
सन्ध्या टाइम्स ल्याः २०४ स शैलजा व जवाहरलाल नेहरुयात हाकुगु ध्वाँय् क्यंपिं मिस्तय्गु बारे पिदंगु च्वसुया बारे च्वयाच्वना । च्वमि शान्तरत्न शाक्यजुं यानादीगु मालेज्यापाखें थीथी न्ह्यलुवातय्गु नां झीसं सिइका कायेफत । जिं न्यनातइगु कथं जवाहरलाल नेहरुयात हाकुगु ध्वँय् क्यंपिं मिस्त मध्ये पर्बा राजकर्निकार धाःम्ह नं दु । वय्कः मरु गःकुतियाम्ह खः । च्याम्हम्ह मिसाया नां ल्वःमन धाःम्ह शायद थ्व हे खः ला ।
धात्थेंयापिं न्ह्यलुवातय्गु नां पिकयादीगुलिं शान्तरत्नजुयात सुभाय् । थौंकन्हय् अप्वः यानाः पिनें वःपिं पत्रकारतय्सं स्वनिगःया बारे बांलाक मालेज्या मयासे च्वयेगु यानावया च्वंगु दु । गबलें बुझ पचे यानाः सा गबलें सिहे मसिइक च्वयेगु यानाच्वंगु दु ।
- कमल रत्न तुलाधर,
दरबार मार्ग ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
