पर्यटन विकास गथे जुइ ?

सम्पादकजु,

वइगु सन् २०१३ यात हाकनं छक्वः नेपाल भ्रमण वर्ष कथं सरकारं प्रचार प्रसार शुरु याःगु दु । आः वया उकथं पर्यटन विकास यायेगु ताः तयाः शुरु याःगु ज्यायात थीथी संघ संस्था व निजी क्षेत्रं समर्थन नं यानाच्वंगु दु । तर सरकारं स्वनिगः दुने फोहरयात तह लगे यायेगु बन्दोबस्तया लागिं माःगु ज्या याये मफयाच्वंगु इलय् जुइगु नेपाल भ्रमण वर्षपाखें झीगु गुलि गथे फाइदा वा हानी जुइगु खः धइगु धाःसा न्हापा हे विचाः यायेमाःगु खनेदु ।

पर्यटन विकासया लागिं दक्कलय् माःगु चीज धइगु सरसफाई हे खः । पर्यटकतय्त फोहरया द्वँ क्यना ला उपिं आकर्षित जुइमखु । तर थन स्वयेगु खःसा थीथी थासय् वानाच्वंगु फोहर वाके मबिउगु जक कारणं न्हिया न्हिथं फोहरया समस्या बिकराल अवस्थाय् थ्यने धुंकूगु दु । ख्वपय् नं ११ वडा लागाय् लाःगु फोहरं कम्पोष्ट साः दयेकीगु थासय्या जनतां अनया पःखाः हे थुना हडताल याःसानिसें समस्या गथे खः अथे हे जुयाच्वंगु दु । थुखेपाखे ध्यान वनीला ?

- समन्त शाक्य, येँ ।

More Stories Like this