समुद्र
पूर्ण वैद्य
समुद्र -
गुलि जिं
थःगु थलय् जायेके
जिगु लागी व
उलि हे खः
असीमितता सीमितताय् मुने थें -
उकिं
ख्वाः सिला छ्यं पिया
गुलि स्वांमाय् बिये
मुखुली द्यनाच्वंगु
सौंदर्य न्ह्यलं चायेत-
गुलि मसि दयेका
खँग्वः व खँपुया पुल छुये
भावयात तरे यायेत
छथासं-मेथाय्
मेथासं-मेथाय्…।
सीमित वया छ्यलाया गुलि उचितताय् दने
जीवन नं उलि हे खः जिगु
छगः जक सि सां
छमां सिमाया पूर्णताया दसि थें
वया उत्पतिया सार्थकता थें ।
More Stories Like this
छाय् थें दया सुकरात व बुरा हस्ताक्षरया मू छ्यं धस्वाकि
