हत्यारायात जनकारवाही या

आः नकतिनि हे छम्ह विद्यार्थी मिसामचा-यात अपहरण यानाः वयागु छ्यों व ल्हाः तुति पालाः वांछ्वयातःगु समाचार पत्रिकाय् पिहां वःगु ब्वनाः जिपिं तसकं मर्माहत जुयाच्वना । थ्व ला शान्ति सुरक्षाया तःधंगु हे कमजोरी जुल । अपहरण यानाः यंकातःगु १७ दिनमछि दयेधुंकलं नं प्रहरी प्रशासनं अपराधीयात माले मफु । थ्व ला लँय् वयाच्वंम्ह सुं नं मनूतय् काय म्ह्याय्पिंत याउँक अपहरण यानाः ल्हाः तुति पालाः स्याना बिउसां जिउगु थें खँ धकाःसा जुल । सीम्ह मिसा मचा नं मेपिं मखुसें झी हे नेवाःतय् म्ह्याय्मचा लात । नेवाः धईपं झीगु येँदेय्यापिं हे आदिवासी धाइ । थनयापिं आदिवासी हे आः थन सुरक्षित मजूसा आः झीपिं गन वनेगु थन ला आः सुयां हे सुरक्षा मंत । छम्ह अबला मिसा मचायात अपहरण यानाः अय्च्वंक विभत्स ढंगं स्याःगु तसकं हे अमानवीय ज्या खः । थुकी ल्हाः दुपिं अपराधीयात ज्वनाः छुं सजायँ बीगु मखु वयात नं अथे हे ल्हाः तुति त्वःथुलाः सतकय् वांछ्वया बीगु जनकारवाही यायेमाः । वयात मुद्दा चले यानाः सनाच्वनेगु बेकार हे जुइ ।

- उज्वल सिंह, आयुषा प्रधान, प्रद्युम्न, येँ ।

More Stories Like this