भय
भय विश्वास मदुगुया चिं ।
न्हिथं सुर्ध्यः लुयाच्वनं नं गथे
विश्वास मदुगु झीके
वं ला क्रुसया यन्त्रणाय् नं
विश्वास मतंकू ।
मस्याः ला वयात नं मखु अय्नं
व मग्याः ।
छाय्धाःसा वया विश्वास आखे
थें गनं त्वाःमदः ।
अहो गुलि क्वह्यं झी ! थः
द्याइया ग्याःचिकुं कर्पिन्त थ्यायेत
गबलें लिमस्वया ।
उकिं हे ला झीगु मन
कय्कय् च्यानाच्वनीगु ।
ग्याःम्हसिया मन
कय्कय् च्यानाच्वनी ।
विश्वासं जाःगु मनय्
स्वां व्हयाच्वनी ।
विश्वास हे याउँक सासः ल्हायेगु
लँ खः ।
More Stories Like this
छाय् थें दया सुकरात व बुरा हस्ताक्षरया मू छ्यं धस्वाकि
