न्ह्यः

न्ह्यःया छगू संसार दु । ज्वःया

मेगु हे संसार । गज्वःगज्वःगु

म्हंकल अज्वःअज्वःगु हे संसार !


न्ह्यलं ब्वायेवं थ्व संसार तनी

म्हगसया संसार लुइ । म्हगसय्

झी न्हिली ख्वइ । म्हगसया

न्हिला धात्थेंया न्हिला मखु न

ख्वया हे खः । म्हगस मनया

कासा - न्ह्यलय् लुइ न्ह्यलं

चायेवं तनावनी ।


वाःचायेकावं वंलिसे न्ह्यः

गुनावंवनी । थन बःबः न्ह्यः दु

बःबः खिउँ । थन बःबः ज्वः दु

बःबः सुथ । थीथी हे दु सुर्ध्यः

थीथी हे दु जः नं ।

More Stories Like this