ल्वायेफुम्हेसिया ल्हाती भजन
२०६६ वैशाख १५ मंगलवाः कुन्हु भाजु कृष्णमान डंगोलं स्वयम्भुया ज्ञानमाला भजनया नायः रत्नबहादुर राजकर्णिकार व छ्याँजे रमेश मानन्धरया बारे धयादीगु खँत ठीक खः । जि नं व भजनया दुजः खः । तर वय्कःपिंसं थवंथः जानाः जक ज्या यानाच्वंगु दु । मेमेपिंलिसे सहलह यानाः ज्ञानमाला भजनयात समसामयिक कथं गय् यानाः थकायेगु खः वय्कःपिंत छुं मतलब मदु । ख ला ज्ञानमाला भजन याईपं खालि देखावती जक खः थुकिं बुद्ध धर्मयागु ख्यलय् गुलि योगदान बिउगु दु थ्व विवादास्पद हे दनि । तर रत्नबहादुर व रमेश मानन्धरिपं हाले फुपिं ल्वाये फुपिं चाहिं खः । वय्कःपिंसं थःपिनि तौरतरिका सुधार मयाःतले ज्ञानमाला भजन भिंगु लँपु ज्वनाः समसामयिक कथं बुद्ध धर्मयागु विकासय् छुं योगदान जुइ धइगु मताया । उकिं सकल धर्मपासापिंसं थुखेपाखे मिखा चायेके माल ।
- नवीन महर्जन, मासंगल्लि येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
