बिपाशा हानं देहव्यापारी

थःगु लिपांगु संकिपा 'पंख'य् बिपाशा बसुया देहव्यापारीया भूमिकां प्रभावित जूम्ह निर्देशक सुदीप्तो चटोपाध्यायं बिपाशायात हानं देहव्यापारी दयेकीगु जूगु दु । थुम्ह निर्देशकं बिपाशायात कयाः देहव्यापारलिसे सम्वन्धित मेगु संकिपा दयेकेत ब्वाँय् जुयाच्वंगु दु ।

थःगु न्हूगु संकिपाया लागि निर्देशक चटोपाध्यायं रेडलाइट एरियाया विशेष अध्ययन यानाच्वंगु सी दुगु दु । बिपाशा नं न्हूगु संकिपाया लागि उत्सुक जूगु दु । बिपाशां धयाजूगु दु कि - 'निर्देशक सुदीप्तोलिसे जिगु विशेश लगाव दु, जिपिं निम्हं पश्चिम बंगालयापिं खः ।'

पंख संकिपा सुटिंगया झ्वलय् निर्देशकं कयौ पटक बिपाशायात थःगु छेँय् बंगाली नसा दयेकाः बिपाशायात यंकीगु खँ बलिउडय् 'हट टपिक' जूगु खः, छुं ई न्ह्यः ।

More Stories Like this