गगं गये थाकु स्वयम्भुया त्वाथः
स्वयम्भु भगवानयाथाय् द्यःके वनेबलय् झीगु मन शान्त जुयाः आनन्द जू । नापं सरीरयात यक्व हे फाइदा याः । तर थौंकन्हय् तँ गगं च्वय् थ्यनीगु ताःहाकःगु त्वाथः तसकं हे चुलु । वंगु वैशाख १ गते कुन्हु क्वंनिसें च्वय् थ्यंक त्वाथलय् मैनबती च्याकूगुली जक थपाय्सकं चुलुगु ला थौंकन्हय् द्यइके वइपिं व मर्निंग वाक वइपिं न्हिं प्यम्ह न्याम्ह धइथें चुलुयाः दइगु गथे याःसा चुलुगु कम याये फइ याकनं हे व्यवस्था यायेमाल ।
थौंकन्हय् त्वाथः नं जीर्णोद्धार यानाः दयेकाच्वंगु दु थ्व हे टाइमय् जिगु बिचाः कथं च्वय् थ्यने थें च्वंगु त्वाथः गयेत अःपुकेगु लागिं दथुइ लाक्क जक मखु जवंखवं नं बः कायेत पाइप तयातःगु दु । दथुयागु पाइप ला अप्वःसिनं बः कयाः थहां कुहां जू । दथुयागु पाइप बः काइपिं कम हे जक उकिं थ्व हे जवंखवं च्वंगु पाइप दुथाय् मैनबती देवा इताः च्याके जीगु कथं दयेकल धाःसा लिपा लिपा तक नं चुलुइगु कम जुइ ला
कृष्णमान डंगोल
मखंगल्ली तुन्छेबहाः येँ ।
More Stories Like this
केन्द्रया अनुमति कयाः आर्थिक ज्या जुइ मखु प्वंकेमखंगु श्रद्धांजिल सुवर्ण शाक्य कि सुवर्णकेशरी ? लाःलाःथें भाःथकाये मजिल बांलाःगु सुझावयात सुभाय्
