फेसबुक.कम/छिगु नां

नकतिनि हे फेसबुकय् छगू न्हूगु फिचर लन्च जूगु दु - फेसबुक.कम/छिगु नां । आः छिं थःगु फेसबुक प्रोफाइल पेजया थःगु हे वेब एड्रेस दयेकादी फइ छिगु नां वा छितः यःगु छुं शव्दलिसें । आःतक फेसबुकय् छिगु पर्सनल प्रोफाइलया वेब एड्रेस http://www.facebook.com/profile.php ?id=123456789 शैलीया जुयाच्वंगु खःसा आः थुगु एड्रेस http://www.facebook.com/yourname शैलीया जुइ ।

थौं नेपाःया ई कथं सुथय् ९:४६ ताः इलंनिसें शुरु जूगु थ्व सुविधा विश्वन्यंक दुने न्हापांगु स्वंगू मिनेटया दुने दुइ लाख मनूतय्सं युजरनेम दर्ता याःगु खःसा १५ मिनेटया दुने पाँच लाखसिनं दर्ता याःगु खः । यदि छिं थःगु फेसबुकय् वेब एड्रेस दयेका मदियानिगु जूसा थन झाया युजरनेम सेलेक्ट यानादी फइ । तर नेपाःया ई कथं म्हिगः चान्हय् १२:४५ स्वयां लिपा जक छिं फेसबुक अकाउन्ट दयेका दियागु खःसा थःगु युजर नेम कायेत छुं ईतक पिइमाली ।

मुक्कं २० करोड मल्याक युजरत दुगु फेसबुकय् थौं थ्व सुविधा बिइगु झ्वलय् आपालं समस्या वयेफुगु व फेसबुक क्राय्स जुइफु धकाः यक्व विश्लेशकतय्सं बिचाः प्वंकाच्वंगु खः, तर अज्याःगु छुं कथंया समस्या धाःसा मवल ।

(किपा - फेसबुक वेब एड्रेस फिचर लन्च जुइस्वयां छुं ई न्ह्यः फेसबुक ज्याकुथिया दृश्य)

More Stories Like this