नकःमि समाजया बेकरी तालिम
थीथी इलय् थीथी कथं सिपमुलक तालिम न्ह्याकावयाच्वंगु नकःमि समाजं थनिनिसें बेकरीया तालिम न्ह्याकूगु दु ।
सुं नं मनूत बेरोजगार मजुयेमा, सिप सयेका स्वाभलम्बी जुये फयेमा धइगु आजु तया न्ह्याकूगु थुगु तालिमया समाजया महासचिव सूर्य नकःमिं त्वाः देवाय् मत च्याका उलेज्या यानादिल । ज्याझ्वलय् समाजया दुजःलिसें ज्याझ्वःया कजि महेश नकःमिं लसकुस यानादीगु खःसा समाजया सल्लाहकार माणिकमान नकःमिं भिंतुना न्वचू बियादीगु खः ।
मू–प्रशिक्षक सजना नकःमिं स्यनीगु थुगु तालिमया उलेज्या ज्याझ्वः नगिना नकःमिं न्ह्याकादीगु खः ।
साथी श्रम प्रशिक्षण केन्द्रया ग्वहालिइ केन्द्रया हे ज्याकू, सानेपा, यलय् न्ह्याकूगु थुगु तालिम झिन्हुयंकं जुइगु खःसा तालिमय् डोनट (क्रिम, चकलेट, कोकोनट व सादा), पाउरोटी, बन, हटडग बन,पिज्जा, ब्राउन केक, फ्रुट केक, कुकिज, क्रोसन, बर्थ डे केकत दयेकेगु स्यनीगु धयादीगु दु । तालिमय् ३० म्हेसित ब्वतिकया च्वनादीगु दु ।
News Location:
