बाघ भैरवया भजन म्येँया म्यूजिक भिडियो सार्वजनिक
जय जय बाघ भैरव छिके सेवा याये ... बोलया ऐतिहासिक भजन म्येँया म्यूजिक भिडियो थौं सोमवाः सार्वजनिक याःगु दु ।
किपूया आराध्यदेव ऐतिहासिक, धार्मिक व पुरातात्विक महत्वंजाःम्ह श्री श्री श्री बाघ भैरवया भजन म्येँयात छुँ दिं न्ह्यः म्यूजिक भिडियो दयेकूगु खः । मूपाहाँ जनकवि दुर्गालाल श्रेष्ठं कीर्तिपुर सिनेप्लेक्सय् जूगु प्रिमियर शोलय् उलेज्या यानादिसें थुगु भजन म्येँया म्यूजिक भिडियो
सार्वजनिक यानादीगु खः ।
लोकंह्वाःम्ह संगीतकःमि भाजु हरि शरण सायमिं थःगु हे स्टुडियो “स्ट्रिङ्स स्टुडियो”स उगु म्येँ रेकर्ड याना म्यूजिक भिडियो हे दयेकादीगु खः। दँयदसं भदौ १ गते खुन्हु जुइगु बाघ भैरवजात्रायात लक्षित याना बाघ भैरवया महिमायात हलिन्यंक प्रचार यायेगु आज्जु तया थुगु भजन म्येँयात रेकर्डयाना म्यूजिक भिडियो दयेकागु संगीतकःमि सायमिं जानकारी बियादीगु दु।
बाघ भैरव भजन मण्डल, किपूया न्ह्यब्वयाकथं पिलुवःगु थुगु म्यूजिक भिडियोय् भजन मण्डलया दुजःपिंसं हे भजन हालाः बाजं नं थानादीगु खःसा मचापिं कलाकारपिं प्रसिद्धि महर्जन, इनाप महर्जन, बिजन मानन्धर व मनिन्द्र महर्जनं म्हितादीगु खः ।
भजन म्येँय् संगीत संयोजन यानादीम्ह संगीतकःमि हरि शरण सायमिया हे संयोजकय् ललेन्द्र शाक्य, राजेश शाक्य, प्रताप महर्जन व ज्ञानकुमार महर्जनया व्यवस्थापन पुचः दयेकादीगु खः ।
ज्याझ्वलय् मूपाहाँ दुर्गालाल श्रेष्ठ, विशेष पाहाँपिं बाघ भैरव भजन मण्डलया गुरु जोगमान महर्जन, किपू नगरपालिकाया प्रमुखया समेत जिम्मेवारी कयाच्वनादीम्ह उप–प्रमुख शुभलक्ष्मी शाक्य (सुनिता), वरिष्ठ सिने पत्रकार विजयरत्न असंबरेपिंसं थःथःगु नुगः खँ तयादीगु खः ।
ज्याझ्वलय् थुुगु म्यूजिक भिडियो दयेकेया नितिं आर्थिकलिसें संचार ख्यलय् ग्वाहालि यानादीपिंत हानदीगु खःसा ज्याझ्वःयात Newah Pride (Facebook Page) व हाम्रो जात्रां तप्पंक (प्रत्यक्ष) प्रशारण याःगु खः । थुगु म्यूजिक भिडियो हाइलाइट्स नेवारं यूट्युबय् तयादीगु दु ।
थुगु म्यूजिक भिडियोयात राजेश शाक्यं छाँयाङ्कन यानादीगु खःसा ललेन्द्र शाक्य निर्देशन यानादीगु खः ।
थुगु म्यूजिक भिडियो स्वयेया नितिं क्वय् क्लिक यानादिसँ ।
News Location:
Related Stories
More Stories Like this
दाफा भजन म्येँ नं आः म्यूजिक भिडियोय् श्रीच्छा प्रधानं त्याकल 'मिस नेपाल वर्ल्ड २०२३' या उपाधि नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव मिस नेवाःया बिजं कासा (फिनाले) शनिवाः जुइगु
