दाफा भजन म्येँ नं आः म्यूजिक भिडियोय्

ऐतिहासिक, धार्मिक व पुरातात्विक महत्वंजाःगु व किपूया आराध्यदेव श्री श्री श्री बाघ भैरवया म्येँयात आः म्यूजिक भिडियोय् स्वयेदइगु जूगु दु ।

थीथी दाफा भजनय् नं हालीगु यानावयाच्वंगु बाघ भैरवया म्येँयात नकतिनि हे स्टुडियोय् रेकर्ड याये नं क्वचायेधुंकूगु दु । लोकंह्वाःम्ह संगीतकःमि भाजु हरिशरण साय्मिं थःगु हे स्टुडियो “स्ट्रिङ्स स्टुडियो”स उगु म्येँ रेकर्ड याःगु खः । रेकर्ड जूगु उगु म्येँयात याकनं हे म्यूजिक भिडियो दयेका हलिन्यंक बाघ भैरवया महिमाया बारे प्रचार यायेगु आज्जु दुगु जानकारी ब्यूगु दु । दँय्दसं भदौ १ गते खुन्हु जुइगु बाघ भैरवजात्रायात लक्षित याना थुगु म्येँ या म्यूजिक भिडियो दयेकेत्यंगु खः ।

बाघ भैरव भजन मण्डल, किपूया न्ह्यब्वयाकथं पिलुवइगु थुगु म्यूजिक भिडियोय् बाघ भैरव भजन मण्डलया दुजःपिंसं हे भजन हाःगु, बाजं थानाच्वंगु खनेदइगु व थुकीयात भाजु ललेन्द्र शाक्य निर्देशन यानादीगु जूगु दुसा भाजु राजेश शाक्यं छाँयाङ्कन यानादीगु जूगु दु ।

किपा : हरिशरण सायमि (स्ट्रिङ्स स्टुडियो)

More Stories Like this