श्रीच्छा प्रधानं त्याकल 'मिस नेपाल वर्ल्ड २०२३' या उपाधि
‘मिस नेपाल वर्ल्ड २०२३’ या उपाधि श्रीच्छा प्रधानं त्याकादीगु दु ।
यलया गोदावरीइ जूगु लिपांगु प्रतिस्पर्धाय् २३ म्ह प्रतिस्पर्धीयात ल्यूने लाका २३ दँया प्रधानं थुगु उपाधि त्याकादीगु खः । पुलांम्ह मिस नेपाल प्रियङ्कारानी जोशीं मिस नेपाल वर्ल्ड त्याकेत ताःलाम्ह प्रधानयात उपाधिया ताज पुइकादीगु खः ।
प्रधानं मिस नेपाल वर्ल्ड २०२३ या उपाधिलिसें ‘फेस अफ द इयर’ व ‘मिस डीएचआई’ सहविधा नं ताःलाकादीगु खः । वातावरण विज्ञानय् स्नातक ब्वनाच्वनादीम्ह प्रधान येँया म्ह्यायमचा खः ।
प्रतियोगिताय् रैना मजगैयां ‘मिस नेपाल अर्थ’या उपाधि त्याकादीगु दुसा प्रसिद्धी शाहं ‘मिस नेपाल इन्टरनेशनल’या उपाधि त्याकादिल ।
दँयदसं मिस नेपाल ज्याझ्वःया ग्वसाःग्वया वयाच्वंगु ग्वसाःखलः द हिडन ट्रेजरं थुगु दँय् न्हूम्ह मिस नेपाल घोषणा याःगु खःसां आःजुइगु विश्व सुन्दरी प्रतियोगिताय् मिस नेपाल २०२२ त्याकादीम्ह जोशीं हे ब्वति काइगु जानकारी ब्यूगु दु। न्हूम्ह मिस नेपालयात मेगु दँय् मिस वर्ल्डय् छ्वइगु कम्पनीं जानकारी ब्यूगु दु ।
तस्बिर : सेतोपाटी
More Stories Like this
बाघ भैरवया भजन म्येँया म्यूजिक भिडियो सार्वजनिक दाफा भजन म्येँ नं आः म्यूजिक भिडियोय् नेपालभाषाया न्हूगु म्युूजिक भिडियो “याकः मिसाया छेँ खः झीगु किपू देयया प्यंगः थां” सार्वजनिक मिस नेवाः जिगु लुमन्ति व अनुभव मिस नेवाःया बिजं कासा (फिनाले) शनिवाः जुइगु
