सत्तारुढ गठबन्धनया बैठक च्वन
सत्तारुढ गठबन्धनया बैठक च्वंगु दु ।
प्रधानमन्त्री निवास बालुवाटारय् छुं ई न्ह्यः च्वंगु बैठकय् समसामयिक राजनीतिक विषय, वइगु आर्थिक दँया सरकारया नीति तथा कार्यक्रम व बजेटया विषयस सहलह जुइगु धलःदुगु प्रधानमन्त्री पुष्पकमल दाहाल ‘प्रचण्ड’ या सचिवालयं जानकारी ब्यूगु दु ।
बैठकय् प्रधानमन्त्री प्रचण्ड व नेकपा (माओवादी केन्द्र) या महासचिव देवप्रसाद गुरुङ व नेता शक्तिबहादुर बस्नेतया दुगु खः । अथेहे नेपाली कांग्रेसया सभापति शेरबहादुर देउवा, उपप्रधानमन्त्री एवं रक्षामन्त्री पूर्णबहादुर खड्का व उपसभापति धनराज गुरुङ, नेकपा (एकीकृत समाजवादी) या अध्यक्ष माधवकुमार नेपाल व महासचिव घनश्याम भुसालया नं ब्वति दुगु खः ।
अथेहे जनता समाजवादी पार्टी नेपालया अध्यक्ष उपेन्द्र यादव व नेता राजेन्द्र श्रेष्ठ, लोकतान्त्रिक समाजवादी पार्टीया अध्यक्ष महन्थ ठाकुरलगायतया नं ब्वति दुगु खः ।
